تعلن أسرة المثقفين الجامدين عن تنظيم رحلة ترفيهية مختلطة للتبرع بالدم فعلى من يرغب بالقدوم ان يحرص على أن يأتي في الميعاد والمكان المحددين
ويسر جماعة المثقفين أن يبشروا الأخوة والأخوات القادمين للتبرع بتوفير ساندوتشات مفتئة لتعويض الدم المتبرع به يحث سيأخذ كل متبرع ساندوتش مفتئة او ساندوتشين مربى أو حلاوة بالقشطة مع توزيع كيس عصير قصب لكل المتبرعين وعلى من يرغب في شربه بعدين لما يروح لأمه وخايف العصير يسمر هنعطي له عود قصب كامل بزعزوعته بشراشيبه وتبقى تعصره أمه
وحرصا على النظام نرجو من الأخوة الحضور عدم اشاعة الفوضى حيث سيتم التعامل بحزم مع هذه المحاولات فلقد لوحظ في اخر لقاء أن بعض الشباب والشابات يأتون ولا يتبرعون ويأخذون سندوتشات وعصير مما تسبب في عزوف الكثير عن التبرع بعد نفاد السندوتشات فحرصا على حق المتبرع سيتم توزيع العيش الفينو وأكياس العصير فارغة للراغبين في التبرع وسيتم حجز صينية المفتئة وشفشق العصير التي سيدور بها مسؤولي الرحلة على المتبرعين أثناء عملية التبرع
ملحوظة (السندوتشات درجة أولى مصنعة من العيش الفينو الفاخر والمفتئة عسل أسود وحلبة وسمسم والقشطة فلاحي والمربى فاكهة كتير سكر قليل)
ووضعت إدارة الرحلة برنامجا شيقا لجذب السادة المتبرعين والمتبرعات بعد وقبل عملية التبرع فيبدأ البرنامج منذ الصباح الباكر حيث تم تأجير1 مرجيحة مولد النبي بالعامل موديل 1945 و2 قادوس حديث استعمال طبيب للترفيه على السادة المتبرعين مع رفع شعار ليه تركب مرة لما ممكن تركب مليون مرة
ونعلن عن المفاجأة الكبرى حيث تم حجز الدور العلوي بالكامل في اللانش النيلي الفاخر الرابط بين ضفتي النيل يعني هنروح ونرجع 3 مرات ببلاش
وتيسيراعلى الأخوة تم توفير عدد سبع تكاتك( منهم أثنين حريمي في الوسط ) تحت أمر قيادة الرحلة لنقل المتبرعين من مواقف الميكروباص ومحطات القطار لمكان التبرع والعكس بالاضافة إلى التنقلات الداخلية ونهيب بالأخوة عدم دفع أي مبالغ لسائقي التكاتك لأن الحساب واصل
ويسر جماعة المثقفين أن يبشروا الأخوة والأخوات القادمين للتبرع بتوفير ساندوتشات مفتئة لتعويض الدم المتبرع به يحث سيأخذ كل متبرع ساندوتش مفتئة او ساندوتشين مربى أو حلاوة بالقشطة مع توزيع كيس عصير قصب لكل المتبرعين وعلى من يرغب في شربه بعدين لما يروح لأمه وخايف العصير يسمر هنعطي له عود قصب كامل بزعزوعته بشراشيبه وتبقى تعصره أمه
وحرصا على النظام نرجو من الأخوة الحضور عدم اشاعة الفوضى حيث سيتم التعامل بحزم مع هذه المحاولات فلقد لوحظ في اخر لقاء أن بعض الشباب والشابات يأتون ولا يتبرعون ويأخذون سندوتشات وعصير مما تسبب في عزوف الكثير عن التبرع بعد نفاد السندوتشات فحرصا على حق المتبرع سيتم توزيع العيش الفينو وأكياس العصير فارغة للراغبين في التبرع وسيتم حجز صينية المفتئة وشفشق العصير التي سيدور بها مسؤولي الرحلة على المتبرعين أثناء عملية التبرع
ملحوظة (السندوتشات درجة أولى مصنعة من العيش الفينو الفاخر والمفتئة عسل أسود وحلبة وسمسم والقشطة فلاحي والمربى فاكهة كتير سكر قليل)
ووضعت إدارة الرحلة برنامجا شيقا لجذب السادة المتبرعين والمتبرعات بعد وقبل عملية التبرع فيبدأ البرنامج منذ الصباح الباكر حيث تم تأجير1 مرجيحة مولد النبي بالعامل موديل 1945 و2 قادوس حديث استعمال طبيب للترفيه على السادة المتبرعين مع رفع شعار ليه تركب مرة لما ممكن تركب مليون مرة
ونعلن عن المفاجأة الكبرى حيث تم حجز الدور العلوي بالكامل في اللانش النيلي الفاخر الرابط بين ضفتي النيل يعني هنروح ونرجع 3 مرات ببلاش
وتيسيراعلى الأخوة تم توفير عدد سبع تكاتك( منهم أثنين حريمي في الوسط ) تحت أمر قيادة الرحلة لنقل المتبرعين من مواقف الميكروباص ومحطات القطار لمكان التبرع والعكس بالاضافة إلى التنقلات الداخلية ونهيب بالأخوة عدم دفع أي مبالغ لسائقي التكاتك لأن الحساب واصل
14 التعليقات:
أحجز حجز بأسمي بس مش هتبرع بالدم لسندوتش المفتئه ودور في المرجيحه.. وبسسسسسسسسسس.. يا رحلاتك يا طارق إيه يبني التنظيم والأداره الجامدين دول.. طارق مش هتبرع ع ع ع إلا لوحد محتاااااج ..أوك
افروديت
ده انتي جايه على طمع بقى, تتبرعي تاخدي السندوتش ودور المرجيحة, مفيش وسايط,
بس ايه رأيك في كم المغريات وكله من اجل فعل الخير يعني مش واخد حاجة ده بالعكس صينية المفتئة والمراجيح والتكاتك كلفتني كتير
ههههههههههههه
بجد برنامج رائع وتنظيم هايل سواء للتبرع
او ما بعد التبرع
تفتكر كدا هايجى عدد كبير ؟؟؟
بس انا في حاجات كتير مش فهمتها يعنى ايه 2 قادوس دى ؟؟
بس يعنى بغض النظرعن اللى انا مش فهماه انا معجبه جدا بتنظيمك
وبالذات رحله النيل
reem
مش عارفة القادوس؟!! القادوس ده كان بيبقى جنب المرجيحة علطول والمرجيحة كانت بتبقى جنب الاراجوز في المولد
مش عارفة المولد؟ المولد ده كان بيبقى جنب الجامع علطول
أوعي تكوني مش عارفة الجامع كمان
يعني افهم من كدة انك جايه
بفكر فيها من يومين, كل اللي هيعلق له سندوتش مفتئة سواء اتبرع ام لم يتبرع
بتتريق علينا ماااااااشي ماااااااشي
عموما ليس على الطلخاوي حرج فى الرخامه
ههههههههههههههه
ندى الياسمين
يا شيخة حرام عليكي,بقى لما شوفتي تعليقي على ريم اللي قلت فيه كل الي هيعلق له سندوتش مفتئة تخشي تعلقي طمعا في السندوتش وتهزئي الراجل اللي هيجيب المفتئة
طب عليا النعمة لاحرمك من المفتئة وكله هياخد الا انتي ده انا هاطلع المفتئة صدقة ونور على شحاتين الشيخ حسانين وانتي لأ وهاقولهم كمان انك مش عايزة الناس تديهم صدقة وهاطبع البوست بتاعك عن الشحاتين وهاوزعه عليهم مع عنوانك,
انتي لسه شوفتي رخامة
عمو....عمو هو في كانز في الرحلة دي ولا لأ .. أنت الراعي الرسمي وخليك كويس معايالأني هتبرع بربع جرااااااااام دم ولو مت ذنبي في رقبته يا
عاااااااااااااااااااااااااااااالم
افروديت
عمو؟!! انتي تايهة يا شاطرة؟!!
كانز؟!! بصي الميزانية للفرد جنيه ونص ربع قصب وربع مفتئة ونص نصيب الفرد في ايجار التكاتك وربع لانش وربع مراجيح
لو عايزة كانز مفيش مشكلة بس تتنازلي عن ده كله وتدفعي النص جنيه الفرق
واتفقنا كمان على الربع جرام دم اللي ناوية تتبرعي بيه, بس بشرط تتصرفي انتي في الناموسة اللي هتسحبه منك
ههههههههههههههه..حدقالك كده قبل كده ..أنت فظييييييييييييع ..مقدرش ياباشا قفش الناموس بقي عمليه خطره" واخدلي بالك انتي من خطره دي"
وحرام لماأتحبس في قفش ناموسه..مش كده ولا ايه اتصرف أنت بقي .........
فكرتني بلقاء المثقفين الجامدين في المنصورة
أنا هاخد سندوشت المفتئة اللي أول تعارف بيني وبينها كان من البوست ده :) وطبعا ليس على اللي عنده فوبيا الدم حرج فمش هتبرع اكيد - داخلة على طمع-
وهاخد كمان عود القصب معايا وانا مروحه اهو حاجة عارفاها بدل المفتئة والقادوس اللي اول مرة اقرأ عنهم :)
وهوفر كمان تكلفة التكاتك وهاجي بالكتكوتة :) يلا ان شا الله ما حد حوش
بجد بجد من أجمل التدوينات اللي قرأتها من فترة وعندك حق متقبلش أقل من دار الشروق هما يطولو اساسا :)
افروديت
بشكرك علقتي كتير ليكي سندوتشين يلا انشاءالله ماحد حوش
مش واخد بالي من قفش الناموس, اصل المفتئة طابقة على نفسي وعايز انام
Lady E
انا مفكرتكيش بحاجة, ماليش دعوة ومش هتكلم الا قدام المحامي بتاعي,
طب ما تشتغلي معانا ونوفر تمن التكاتك
هي الكتكوتة كام نفر
بصي هديكي في الفردة سندوتش وكيس عصير
اظن مش هتلاقي عرض احسن من كدة
ده انتي لفيتي اهه في المدونة بفكر اعمل رسم مرور
http://messyar.blogspot.com/
إرسال تعليق