قدر ربنا هأعمل ايه يعني

هل هي النهاية, يسأل نفسه, لم يمرض بهذه الصورة من قبل, اصابه السعال وارتفعت درجة حرارته إلى درجة قياسية

أول الأسبوع, اليوم الوحيد الذي يجب أن يذهب فيه إلى عمله, لم يستفد من نومه شيئا فدرجة حرارته آخذه في الارتفاع,  اصابته بعض الهلاوس اثناء نومه المتقطع, صلاته كانت كحلقات الذكر في الموالد, لسانه يذكر الله وجسده يهتز بعنف وعقله مغيب

استثقل عبور الشارع  في طريقه إلى عمله, هل هذا هو سبب الحوادث, هل من الممكن أن يفقد الوعي, من سيساعده في غربته, ألا يكفي وجع الغربة, لا يوجد من يهتم به, جاء من اجل المال وها هو سيفقد حياته من أجل لا شئ, إذا كانت حالته بهذا السوء فلماذا ذهب إلى عمله هل هو الحرص ايضا على المال, لم يعرف كيف وصل إلى عمله, يتحاشى الاقتراب من زملائه في العمل, غير قادر على السعال, لم يسأله أحد عن الضعف والتعب الظاهر على وجهه إذا مرض تغوص عينيه داخل وجهه ينظر إلى المرآة فيعرف أنه مريض  هل يفرح لعدم ملاحظتهم مرضه أم يحزن لعدم اكتراثهم به, هو ايضا لا يهتم بأحد منهم

, يسأل

نفسه هل سأتحمل نظرة الناس إلي, آخر شئ يريده الآن هو الاحساس بالذنب إذا عدى احدا من زملاءه, يجب ان أخفي طبيعة مرضي عن الكل إذا علم مخلوق أني أصبت سيحملوني مسؤولية حتى نزلات البرد العادية التي ستصيبهم طوال الشتاء  ولماذا كل هذا القلق, إذا اصيب أحدهم شفي أو لم يشفى  فهذا قدره ألم تؤمن؟  فمن أين أخذت العدوى., من بائس آخر لا يألو على شئ , من المحتمل عدم معرفته بمرضه فضلا عن أخذ الحيطة لعدم نقل العدوى لمن حوله 

  لم يتأكد حتى الآن من اصابته, ولكن إذا لم يكن هذا المرض المعدي هو ما اصابه, فبأي شئ هو مريض الآن , نزلة برد اصيب بها مئات المرات من قبل وكان يمارس حياته الطبيعية, لم يمنعه المرض سابقا من الذهاب إلى عمله, ولكن هذه المرة غير كل المرات السابقة,

 ليس متبقي غير أن يعلن اصابته بالمرض رسميا وها هو في طريقه إلى المستوصف, لا يبعث جو المستشفيات في نفسه الكآبه بالعكس يشعر بالراحة
بالرغم من أن ملائكة الرحمة هنا رجال ماذا يفعل هل سيغير نظام دولة تطبق عدم الاختلاط حتى بين المرضى في المستشفيات, لو يتوقف عقله قليلا عن التفكير كان استراح, كم تمنى أن يصحو يوما ما من نومه ناسيا كل الماضي ويبدأ من جديد, هل سيرتكب نفس الأخطاء التي يندم عليها الآن أم هي الظروف التي يتمنى تغييرها تعددت الأسباب والهم واحد
يتبع

أضغاث احلام

شفت التشكيل الجديد لمكتب ارشاد الأخوان, وجه في دماغي فكرة, بتمنى تتحقق قبل ما أموت, يا سلام لو مبارك ربنا يهديه ويتوب ويقرر يتصالح مع الأخوان, يا سلام ساعتها لا تقولي أمريكا ولا اسرائيل ساعتها مش عارف هايبقى ايه لزمة الشيطان في الدنيا,  والله لنلاقي كل الناس شيطانها نايم وبلاش قلة أدب لأني ماقصدش حاجة, وساعتها بس هتلاقي الايام بتجري بسرعة والراجل ركبته أمراض الدنيا وهوب مش هنلاقيه معانا ودي تبقى توبة نصوحة يمسح بيها زنوبه اللي ارتكبها في حق البشرية, ونفضل نترحم عليه, والله أنا عارف أن احنا كدة كدة هنترحم عليه, أصل احنا شعب طيب بننسى بسرعة الحاجات الوحشة, وبنفتكر بس الحاجات الحلوة مش دايما يقولك الماضي الجميل وذكريات الفن الجميل, وياريتها ترجع أيام زمان, والكلام ده طبعا هيبقى أكيد لو المعلم جمال جه, لأن احنا بنقول من الوقتي لأ خلي مبارك احسن, والمعلم لسه بيهزر معانا وبيختبر قدرة تحملنا طب لو دخل في الجد بقى ايه اللي هيحصل,
 يعني يا ريس احنا عمرنا ما هننساك ابدا, لازم يعني قبل ما تمشي تسيبلنا حاجة من ريحتك نفضل فاكرينك بيها طول العمر, بس والله الريحة وحشة قوي ومنتنة, والناس كلها بترجع كل ما تشمها  

نصر حامد أبو زيد

كان لي تعليق على منع د. نصر حامد أبو زيد من دخول الكويت , لأني عايش حاليا في الكويت وعارف اللي وجه لنصر الدعوة اسمه أحمد البغدادي الأخ ده بقرأ له كل اللي بيكتبه, شغل مش غاوي  أنا أقرأ مقالات كتاب كوايتة يعني غصب عني, وعمري ما اقتنعت بكلمة من اللي بيكتبه هو وكتاب مشهورين هنا زي فؤاد الهاشم ونبيل الفضل وعبدالله الهدلق  وغيرهم والله بيكتبوا كلام أوسخ من كلام الصهاينة, شفتوا عندنا روزاليوسف في مصر دول أوسخ منهم بكتير ومقالاتهم بتنشر على موقع الخارجية الإسرائيلية, والبغدادي قال قبل كدة اللي هيتكلم في موضوع الخارجية الإسرائيلية مالوش عندي غير اشارة من صباع ايدي الأوسط, وش كدة ده رأيي في الكتاب دول, لأنهم بيحاربوا كل ما له علاقة بالاسلام والمقاومة, وفخورين بكل ما هو أمريكي واسرائيلي, فؤاد الهاشم فخور أن له مصادر كتير في المخابرات الأمريكية طبعا أنا أعرف د نصر أبوزيد بس ماقرتش له أي حاجة سمعت عن كتبه بس, وزي ما منع أولاد حارتنا لنجيب محفوظ خلاني ألف عليها في سور الازبكية واشتريها, وزي ما مظاهرات جامعة الازهر اللي اشتركت فيها ضد نشر كتاب وليمة لأعشاب البحر في مكتبة الأسرة خلتني أقراه   فأعودكم أن الف برده على كتب د. نصر لحد ما أقراها,  وده رأيي في منع أي فكر حتى لو مخالف لرأيي

مبروك لطارق

والله وعملتها بنت الكلب ونالت لقب ملكة جمال الكون, كايان الدورينو هو ده اسمها, بابا اللي سماها أصل أنا كنت صغير اياميها شوفوا حلوة ازاي, اهو كل النسوان عندنا من العينة دي, ودي واحدة من رعاياي  بتيجي كل يوم الصبح تبوس ايدي, هي دي التقاليد عندنا في جبل طارق, بابا بقى ربنا يديله الصحة هو اللي أرسى التقاليد دي, أوعو تفتكروا أن جبل طارق ده صحراء ومعيز وكلام منده, لأ اطلاقا ده أنا منزهم ومعيشهم أحلى عيشة والبتاعة اللي في ايدها دي جت استلفتها من أمي علشان تحضر بيها المسابقة وقالت هترجعها علطول, بس أمي كانت قلقانة انها تغيرها, بس أنا اقنعت أمي وقلتلها أن احنا كلنا عيلة واحدة واهو برده كله راجع لنا في الآخر يعني هنصادر التاج ده وهيبقى من ممتلكات أمي والله وعملتيها يا بت يا كايان, لسه فاكر ايام زمان لما كان بابا بيسمحلي العب مع اطفال الشعب, كانت نونو كده ولما كبرنا شوية حاولت اقنعها نلعب عريس وعروسة بس ماكنتش بترضى, واعية من يوميها بنت الجزمة, ياااااه كانت ايام ماكنش الواحد شايل هم حاجة ولا كان فيه كلام اهبل من اللي بيسمعه صاحبي وحبيبي جيمي من شوية حقدة, مش عارف كل شوية واحد فسل يطلع يقوله مايحكمش وايش عرفك انت وكفاية وأخوان  وحاجات عبيطة مش عارف بصراحة جيمي سايبهم ليه, صعبان علي والله, احنا بقى الوضع مختلف عندنا تماما, البلد بتاعتي اسمها كدة(جبل طارق) متسجلة بأسمي في شهر عقاري الجبل, عمو بقى سماها مصر مبارك, يعني بعد عمر طويل هتتنقل ملكيتها لابنه وشريكه جمال, ايه معترضين على ايه؟!! البلد بلده ولما يموت ابنه هياخدها, كفرة ولاد كلب, معترضين على حكم ربنا,استغفر الله العظيم والله معاك حق يا جيمي انت وعمه في كل اللي بتعملوه فيهم نرفزتوني وطلعتوني عن شعوري مع انه أصلا كان بوست تهنئة خفيف للبت بتاعتي وبعدين اهتم بشعبي احسن ومصر دي بقى عمرها ماهتشوف خير طول ما شعبها مضقر نفسه كده في اللي مالوش فيه, يا عم انا مالي يولعوا بجاز كلهم , وبعدين لو ربنا راضي عنكو كان سيب عليكم جيمي واونكل, أصلا  بابا لو عرف أني بكلم جيمي ولا أي حد من العالم التالت المتخلف هيزعل مني ارجع بقى لبلدي واللي هي حتة مني وحبيبتي واللي ماليش هم في الدنيا الا هي وناسها اللي هما برده شعبي وحبيبي يا سلام جبل طارق شايفين الرومانسية شايفيين بحبها قد ايه, فعلا على رأي المثل أعز الجبل جبل طارق, بتاعتي حد عنده اعتراض  أصل لما بابا جابني سماني طارق وكنت بروح العب بعيد مع البت كايان هبل في الجبل وكان بابا كل ما يجي يسأل علي يقولولو طارق في الجبل, فيقوم بابا رانن علي وكنت كتير بكنسل لأن ببقى مشغول مع كايان, المهم من هنا طلع اسم جبل طارق , وبقت بتاعتي وإحيائا لزكراي مع كايان بقى الشعب ياخد بعضه اتنين اتنين ويمارس هبله في جبله اللي هو جبلي هي دي الحياة مش تقولي مصر

المستحي

المستحي هو اللفظ الذي أجمع الكل على وصفه به, كانوا يعتقدون أنه مستحي فقط مع النساء ولكنهم تأكدوا من خجله مع الكل, فأطلقوا عليه النكات حيث أشتهر أنه يظل يطرق على باب الحمام المغلق حتى يؤذن له بالدخول, بالطبع الوضع مختلف في المراحيض العامة التي يوجد بها مباول مفتوحة والتي حلت فقط المشكلات الخفيفة وتكفلت كوافيل كبار السن بمعظم الباقي حيث غالبا ما كان يحدث تسربات بالإضافة إلى مشكلة الروائح والتي لم يجدوا لها حلولا حتى الآن لفظ لو سمحت لا يفارق لسانه, كان إذا شعر بلص يقوم بعمله المتعارف عليه بوضع يده في جيبه أو في ..................... حقيبته, كان كل ما يفعله ترديد لو سمحت وحينما لا يرتدع اللص يقول في نفاد صبر " طب والله ما أنا مكلمك" ولما ينتهي من أداء مهمته على أكمل وجه يشيع اللص بنظرة عتاب صادق ويقول لمن حوله "بزمتكو مش معايا حق أني مكلموش" على العموم لو شفته تاني هأعمل نفسي مش واخد بالي,  وفي مغامراته النسائية التي أجبره عليها أصدقائه لم يستطع أن يطلب شيئا من فتاة الليل ظل صامتا لا يدري ماذا يفعل ولما سألته لماذا أتيت, لم يرد فندبت حظها الذي يوقعها دائما في العاهات, كانت مهمتها صعبة بل مستحيلة ما جعلها تراجع نفسها في اختيارها لهذه المهنة وتفكر جيدا في مستقبلها المحارب من اتجاهات عديدة ظل هكذا لا يطلب شيئا ولا يعترض على ما يأخذ, لم ينل أي حظ من التعليم لعدم فهمه ثراء اللغة العربية التي تحتوي على علوم كثيرة جعلتها من أغنى اللغات, لم يفهم ما المقصود بعلم البلاغة وما يحتويه من مصطلحات كالجناس والاستعارة والمحسنات اللفظية وأن من الممكن أن يقصد من الكلمة الواحدة عدة معاني لذا فإذا قيل له "حمرا" يرد بذهنه على الفور القوطة  وارتابوا بأمره بعد بحثه عن حملة( خد فطيرك) فكان يوقف الناس في الشارع بعد فشله في كل الوظائف التي التحق بها لدرجة انه كان لا يجد ما يسد به جوعه( لو سمحت لوسمحت أنا محتاج وعايز آخد فطيري ممكن تساعدني وتقولي آخد فطيري إزاي وفين لو سمحت أنا عارف أن من حقي وحق أي حد أنه ياخد فطيره) كان بعضهم يحاول اقناعه بأن لا يكمل هذا الطريق الملئ بالفطير وقبل البعض الآخر أن يعطي له فطيره   تعب من البحث عن من يساعده في فهم الحياة عن من يخبره أن الحياء شعبه واحدة من الإيمان كانت هناك بعض المحاولات ولكن لم تجد لديه ما يساعدها على محو مافعلته السنين الطويلة فآثروا أن يبعدوا وتركوه  وحيدا يتخبط  في دروب الحياة

أمنية

نبض قلبه الصغير بالحب, أخذ يراقب كل تصرفاته فكثيرا ما يخطأ, يتخيلها تراقب ما يفعل,  يوبخ نفسه ويتعهد بأن لا يكررالخطأ, فليس وحده الآن, رآها مرة أو أثنتين كانتا كافيتين ليحب مادام قلبه خاليا, حبه دائما عن بعد, فلا يراها إلا كل بضعة أشهر, وحينما علم بمرضها الصعب, تمنى لو يصاب هو الآخر بنفس المرض حتى يشاركها مشوار العلاج الطويل ويخفف عنها ألمها الذي لن يشعر به أحد مثله  مهما حاولوا أن يبدوا متأثرين, أحب كثيرا الذهاب إلى العاصمة في الرحلات المدرسية, يشاهد الأثار والسياح يتحدث معهم بالانجليزية,يذهب إلى المسارح والسينمات, سنذهب سويا للعلاج والفسح, كم تمنى أن يشاركه أحد ما يحب, لم يخف من قسوة المرض طالما هي معه, سينسى أي ألم إذا نظر في عينيها, كان يصحو من نومه فرحا, فاليوم سيذهب إلى الطبيب ليؤكد له إصابته, نعم هو كثيرا ما يمرض فمناعته ضعيفة الكل أكد ذلك, مطلوب فقط بعض الفحوصات ليثبت المرض,صارح الطبيب بمخاوفه, فشرح له أن هذه المخاوف في عقله فقط, حاول أن يقنعه بمعلوماته الطبية البسيطة أنه مصاب خاصة أن بعض أقاربه قد أصيبوا بالمرض (وأيضا كثيرا من معارفه) فأخبره الطبيب بهدوء أن هذا الكلام غير علمي, لم يقتنع , طلب من الطبيب أن يجري له التحاليل والأشعة ليتأكد, فقال لست في حاجة إليها وستكلفك كثيرا, انطفأ الأمل داخله, من أين يأتي بالمال, لن يقتنع بكلامه أحد ليساعده, كم سينتظر لتظهر عليه أعراض المرض ليتأكد الكل من إصابته, حينها فقط يستطيع أن يقترب منها, يحكي لها عن آلامه,سيرتبط مصيرهما معا بعد أن يتخطيا محنة المرض, ما يطلبه ليس كثيرا على الله

حلم

هل حقا يعيش حلما, كثيرا ما كان ينظر إلى سريره ويقول لنفسه, أنا نائم الآن وسأصحوا من هذا الحلم وإن طال, وسأجد حياة غير هذه الحياة, بالطبع لا أستطيع رؤية جسمي النائم في سريري لأني لا اتحكم في ما يحدث في الحلم, أحيانا كان يقول أنه عندما يصحو سيجد الظروف مختلفة بنفس الأشخاص وأحيانا أخرى كان يستبعد كل من حوله, كل ما يدور الآن في الحياة مزيف حتى ما يشاهده في التلفاز وما يقرأه في الصحف من حروب وزلازل يقتل فيها الآلاف  وما قرأه عن التاريخ,كل هذا لم يحدث إلا في حلمه لا أحد غيره يدري عنه شيئا إذا كان يوجد غيره في العالم الحقيقي, طال الحلم, ذهب إلى سريره أخذ يفتش ويبحث عن جسمه ليوقظه, لم يجد شيئا, إذا متى سأتخلص من هذا الكابوس

صفقة

يتذكر أسطورة فاوست الذي عقد صفقة مع الشيطان, الخلود مقابل أن لا يرضى

يتسائل أين هو ولمذا لا يأتي إليه, هل لأنه بطبعه لا يرضى, لديه كثيرا من الإغراءات يقدمها إليه, فهو ذكي نشيط طموح  لديه قدرة كبيرة على الاقناع, لو عايش الصهاينة لتعايش معهم وأقنعهم بمبادئه بالرغم من أنه ليس له مبدأ, لديه خبرة كبيرة في كتابة التقارير عن أقرب الناس إليه ,ممتاز في اثارة الفتن  شكاك في كل من حوله رافض لكل القيم والتقاليد, لا يريد الخلود مثل فاوست, فقط يريد الاتحاد معه , فالاتحاد قوة, وبما أن القناعة كنز لا يفنى , فسيقنع بأي عرض, إذا لم يعطه أي شيء فسيظل عبده, وإذا تفضل وأعطاه القوة والجاه والمال فسيساعده بالتأكيد على نشر أفكاره  لا يستغرب للفروق الكبيرة في العقود بين الشيطان وبين أتباعه فالكل يجب أن يرضى بما أخذ, وفي النهاية الكل جنوده في الأرض يوظفهم كيفما شاء فإذا طلبت منك مهمة فيجب أن تنفذها على أكمل وجه, وحاول أن تطور من نفسك وتبدع أفكار جديدة فهي الكفيلة بصعودك إلى رتب أعلى وإذا لم يتم تقديرك بما تراه مناسبا فتأكد أنك لا تستحق ما تطلبه

لن يجد بالتأكيد أفضل من هذا, إذا لماذا لا يأتي ربما يكون متأكد من أنه سيظل عبده إذا أتى أو لم يأتي, هل لديه أمور أهم, بالطبع يقدر انشغاله ,فالعالم الآن ستة مليارات, ولكن لو لم يستطع أن يأتي فليبعث بأحد من تلاميذه في الأرض يدله إلى الطريق, يطمئنه بأنه  يتابع عمله وأنه معجب بجهده ويثني عليه
وإذا لم يبعث أحدا فسيظل صابرا, ويحاول هو أن يعثر على أحدهم فما أكثرهم في الأرض لن يتعب لن يمل من البحث

كل سنة وأنتو طيبين

عمتي بعتالي رسالة تهنئة بمناسبة عيد الأضحى
عزيزي المشترك: نذكرك بموعد إستحمامك السنوي...في العيد.....شكرا لإشتراكك في خدمة( سبحني) وعيدكم مبارك
وطبعا علشان هي عمتي والضفر ما يطلعش من اللحم فكان لازم أرد تهنئتها زي ما أبويا علمني
نظرا للزحام الحاصل في مثل هذا الوقت من كل عام فلقد قرر رئيس مجلس إدارة
 الأسرة اللي هو أبويا استثنائي من الاستحمام هذا العام مع وعد غير مؤكد بأن أكون أول المستحمين العيد القادم, لذا أرجو مد اشتراكي في خدمة (ليفني) حتى العيد القادم
وكل سنة وأنتو طيبين

-------------

تحديث

احتجاجات وتظاهرات كبيرة في مختلف أحياء المدينة ودعوات متصاعدة إلى قطع العلاقات الديبلوماسية مع أبي بعد إعطائي وعد بالاستحمام في العيد القادم وقال المحتجون أنه وعد من لا يملك لمن لا يستحق وطالبوا بنزع ملكية الحمام وجميع مشتملاته من قاعدة وحوض ودوش مع مصادرة جميع الحنفيات

اجتماع عاجل لمجلس أمن القرية بناء على الطلب المقدم من هيئات حموم الإنسان لبحث تداعيات الموقف حيث أبدوا استغرابهم من ضخامة كمية المياه المخصصة لنا في الوقت الذي يمتنع فيه الناس عن الاستحمام لسنوات طويلة بعد اقتناعهم بأهداف حملة نقطة ميه تساوي حياة

قوات الأمن المصرية تفرض حصارا على بيتنا بعد وصول تهديدات جدية بنسف الحمام

المجلس المحلي يضطر إلى قطع المياه عن الحي بأكمله بعد نجاح المحتجين في تلويث  المياه ببودرة العفريت

شعبة تجار التجزئة ترفض بيع الصابون ومواد النظافة إلى أي فرد من عائلتنا

هدوء الأحداث نسبيا بعد إصدار مجلس الأسرة بيانا يؤكد فيه سحب الوعد

ابقوا معنا وسنوافيكم بأدق التفاصيل
-----------------
تحديث
حكة غريبة ومستمرة أصابتني جراء سحب الوعد فسرها الأطباء بأنها حالة نفسية واستبعدوا احتمالات الإصابة بأحد الأمراض الجلدية حيث قالوا أن هذا النوع من الأمراض يصيب الإنسان المتعفن إذا لم يستحم لمدة تتجاوز الخمسة عشر عاما وبمراجعة سجلات العائلة ومحاضر الشرطة وبالرجوع إلى المؤرخين ثبت بالدليل العملي وقوعي في مصرف إثر دفعي من مجهول  في نهاية تسعينات القرن المنصرم
لذا نصحني الأطباء بعدم أخذ الموضوع (على سدري) حتى لا أصاب بالأمراض الصدرية أيضا

الكورة واللي بناخده منها

يا رب

   اتصل  بشقيقه كعادته سأله عن أحواله فقال (زي الزفت) فحاول أن يخفف عنه ,   وأنت, هل أنت حزين؟ سأله أخوه

قليلا بضعة أيام وسننسى كم من أحداث مرت علينا ونسينا

هل اتصلت بوالدك؟_

لا كيف اتصل وماذا أقول؟_

أنا  اتصلت الحمد لله لم يتأثر كثيرا أو هكذا يظهر, ولكني أتذكر عندما قال منذ أكثر من خمسة عشر عاما وفجأة احتبس صوته وانسابت الدموع

ينادي شقيقه ..الو ... الو ... أين ذهبت؟

يخاف أن يسمعه شقيقه يبكي

ايوه ايوه

أين ذهبت؟

لا يريد أن يتكلم يغطي وجهه حتى لا يراه أحد يبكي, لا يعرف لما ذا بكى فجأة هكذا
فهو الوحيد الذي كان متامسكا, كان الكل يصرخ غير مصدق, قال  لصديقه من المؤكد هناك حكمة لهذه الهزيمة , فقال أية حكمة هذه التي تحزن كل هذه الملايين, سمع عن أحداث عنف بين الطرفين لم يهتم حتى بمشاهدتها,سابقا كان يستمتع بالتكسير واضرام النار , كان يمل إذا اقتصرت المظاهرات على الهتاف, الحزن أخمد الثورة بداخله
ندم لانصرافه قبل نهاية المباراة, أراد أن يتكلم مع أحد بدلا من أن يحدث نفسه
 كان يريد أي شيء يفرح به والده والناس البسطاء أكمل لشقيقه والدموع تملأ عينيه
أنه متأكد من حزن والده فلقد قال له قديما أثناء مشاهدتما مباراة بين منتخب بلده ونفس المنافس أنه سيمرض إذا هزم فريقه
يحزن من أجل البسطاء الذين لا يهتمون بالسياسة ولا يعرفون إذا كان سيستغل الفوز لمصالح سياسية أم لا, بالرغم من فقرهم ومرضهم يريدون أي فرحة تنسيهم بعض أحزانهم
استمر في البكاء طويلا بعد المكالمة, لا يعرف متى يبكي وأي شيء سيبكيه
اتصل به الكثير مواسين ومستغربين, هل تبكي من أجل خسارة مباراة؟
كان الكل يستعد للاحتفال بعد ان قارب الحلم على أن يصبح حقيقة, سيفرح والده لعدة أيام يطمئن فيها عليه بدلا من القلق الدائم
لم يستطع النوم كثيرا ليلة المباراة فغدا سيتحقق الحلم, صحى من نومه  فرحا ,  ناسيا كل همومه , الكل يتحدث عن المبارة في العمل, حصل على كل ما يساعده على الاحتفال بطريقة صاخبة , يجب أن يشاهد المباراة في تجمع كبير, لا يوجد صالات مغطاة
ذهب خصيصا إلى مكان يضم أكثر من عشرين مقهى, أخذ يدور على المقاهي قبل المباراة يشاهد المصريين البسطاء,يطالبهم بالتشجيع, يهتف مصر ...مصر...مصر, يتخيل الفرحة بعد المباراة
ترسم الأعلام على الوجوه,  كاميرات تصور فرحة المصريين,عربات الشرطة مصطفة لتحجيم الفرحة ,يبدوا خائفين من ثقل المهمة, لن يجدوا حلا غير مشاركتنا الرقص, الكل مستعد للفوز, باق من الزمن ساعة
يوجد من هو أكثر منه عصبية يشاهد معه المباراة,يطالبونه أن لا يقف كثيرا حتى يستطعيوا المشاهدة, حتى بعد أن احرز المنافس هدفا كان مطمئنا, يضحك مع الكل يداعب ويسخر حتى ممن لا يعرفه, فالكل سيرقص ويحضن الآخر بعد قليل 
يمر الوقت سريعا, لا يهم  مازال متفائلا, فالله معنا فهو من منحنا الأمل مرة أخرى بعد أن آمن الكل بضياعه,
بدا الكل ييأس, هل سيضيع الحلم , اختفى التفاؤل واختفت الضحكات وحلت اللعنات على الجميع على اللاعبين على المدرب على الحكم وعلى القدر
بكى أكثر لما حدث بعد المباراة, شقاق بين بلدين شقيقين نتيجة لتهييج اعلامي من الطرفين, لا يعرف متى ستهدأ الأمور , مطالب تذكره بحرب غزة, حرق السفارة وطرد السفير,  لهذه الدرجة ولكن النظام يعاملهم برفق, لم يطبق عليهم قانون الطوارئ, لم يحالوا لمحكمة عسكرية, ينفثوا غضبهم تجاه المنافس تجاه دولة عربية تجاه الدنيا والدين أفضل من أن ينفثوه في وجه النظام

بحب الكورة لم يكن يتعدى عمره الثلاث سنوات حينما أصطحبه والده لمشاهدة إحدى مباريات كرة القدم, أو هذا ما يتذكره فربما ذهب قبل ذلك بكثير, كانت هي فسحة نهاية الأسبوع التي يحرص والده عليها بالرغم من التكلفة المالية, فلم يكن وحده يذهب بصحبة والده فهناك أثنان آخران, أخوته أيضا يريدان الذهاب فهم أكبر منه ويفهمان ما يجري, اما هو فلم يكن يعنيه غير الخروج بصحبة والده, يبحث والده عن أصدقائه الكثيرين لندخل معهم, فصاحب التزكرة يستطيع ان يصحب معه طفل صغير ونحن ثلاثة, يتعجب لكل هذه الجماهير لماذا تأتي بهذه الأعداد الغفيرة, بدأ يعتاد الأمر ويستمتع بالهتاف معهم وبالمسيرات التي تنطلق في أعقاب الفوز الذي يحققه فريقه, بات يعرف بعض أسماء اللاعبين, ويفهم في قوانين اللعبة, سمع ألفاظ جديدة عليه, أكثرها شتائم للحكم والفريق المنافس, أكثر ما أعجبه كان الأناشيد التي يغنيها الجمهور فيجب أن تكون مقفاة, هناك فرد مخصص لتأليفها هو قائد المجموعة إذا أراد أن يسب الحكم فكلنا  يجب أن نردد وراءه,ذو شخصية قوية لا يستطيع أحد ان يهتف قبله, يراه أحيانا يحادث اللاعبين قبل المباراة, صوته خشنا مبحوحا كمن أستأصلت حنجرته, يقول له والده أنه موظف لدى النادي يتلقى أجرا مقابل التشجيع,  يدخل كل المباريات مجانا في الوقت الذي يعاني فيه والده من تدبير أمر الدخول لأربع أفراد, أحيانا كانوا ينتظرون لبعد بداية المبارة حتى يستطيعوا الدخول مجانا فالفريق يحتاج المشجعين ولو من دون تزكرة,كانت هذه الفسحة لا تتكلف كثيرا فحتى القطار يوم المباريات يكون مجانا, فكيف يستطيع المحصل مواجهة هذه الأعداد, والمسافة من محطة القطار حتى الاستاد كان يتسمتع أيضا بمشيها بجانب المشجعين طالما لا يتوقفون عن الغناء, هو يوم حافل بكل المتع, جماهير غفيرة, دعاء من أجل الفوز, أغنية وطنية ألفت وقت الحروب وفهم معناها في المدرجات,  حتى الشتائم أصبح يستمتع بترديدها, محظور على أحد التعاطف مع الفريق المنافس أو تشجيعه حين نزوله لأرض الملعب, فإذا كنت تحب فريقك فيجب أن تسب الفريق المنافس وجماهيره والحكم إذا أخطأ من وجهة نظرك, كانت المدرجات أسمنتية وحين أشتعال الموقف يتم تكسيرها ليقذف بها الفريق المنافس الذي يرد بنفس الأسلوب, منظر الطوب في الهواء يذكره بالحلويات التي تقذف من البلكونات في الأفراح, أدمن الكرة وكل ما يتعلق بها, ولم يعد يقدر على تفويت أي مباراة فبات يسافر خلف فريقه في كل المحافظات, كبر والده وقنع بمشاهدة المباريات في التلفاز وانصرف أخويه لأمور أخرى, واستمر هو يذهب وحيدا إلى الاستاد يتبع نفس الأسلوب, الذهاب ماشيا , الدخول مجانا, الهتاف مع الجماهير, البدء بالشتم, أصبح متميزا في نقد الحكم ولاعبي الفرق المنافسة, يفرغ عصبيته وطاقته ونشاطه الزائد في نقدهم وشتمهم إذا لزم الأمر, ارتبطت حياته بالكرة حتى في وقت الإمتحانات يجب مشاهدة المباراة من باب التفاؤل , إضاعة ساعتين أفضل من إضاعة الوقت كله بسبب التوتر, استغنى عن تشجيع فريقه لتشجيع الفريق الذي يكسب دائما, فادارته السيئة دائما ما تبيع اللاعبين للأندية الكبرى من أجل العمولات والرشاوى, لا يستحق تشجيعه بعد أن هبط إلى الدرجة الثانية, يتهكم على لاعبيه وإدارته , لم تعد تبيع اللاعبين ولا يستدعى منهم أحد إلى المنتخبات الوطنية, ابتعد فريقه السابق عن الأضواء فابتعد عنه, لا يفكر في معرفة أخباره, فهناك فريق آخر يحوز الآن على اهتمامه بجانب المنتخب الوطني, "هذا كاف" يقول لنفسه, يسافر كثيرا إلى العاصمة لمشاهدة مباريات فريقه الجديد, سافر للدراسة ولمشاهدة المباريات, يعبر الشارع من الجامعة إلى الاستاد, لن يجد أفضل من ذلك, في بعض المباريات المهمة كان يضطر لشراء التذاكر من السوق السوداء, أخبره بعض زملاءه بطريقة بسيطة لدخول المباريات بقروش قليلة يعطيها لجندي أمن مركزي يقف على سور الاستاد في منطقة بعيدة عن الأعين, أصبحت تكلفة مشاهدة مباراة في الأستاد أقل من مشاهدتها على المقهى, نصب وكنت بضحك عليكم , ولا أي حاجة من دي حصلت ده انا لما أشوف الحكم بقول ايه اللي طلع الجون بره كدة, مش يتلم ويقف في جونه, هو انا عبيط علشان أسيب امتحاناتي واتفرج على الماتشات ولا ألف ولا فريق عيان كل المحافظات, وبعدين انا دبلوم صنايع أساسا وعمري ما سافرت القاهرة, وكنت باشتري التذاكر م السوق السودا, علي النعمة أنا آخري سوق الجمعة وعندنا برضه سوق التلات بتاع البهايم كنت بروح علشان صلة الرحم, ولا الأناشيد المقفاة, بزمكتو حد مصدق الهبل ده والنعمة ماعرف يعني ايه الكلمة دي , ده انجليزي ده يا مرسي, يذكره بالحلويات التي تقذف من البلكونات" شفتوا الألفاظ المتنقية , اهي دي بقى القافية, حلويااااااااااااات بلكونااااااااااااااااات, أيوة فاكرها خدناها في الدبلون

رحمتك يا رب كنت ناوي أكتب بوست عن إزاي حبيت الكورة بمناسبة فوز مصر بس لما دخلت مدونة نوارةهنا اكتئاب على أصله  أكتئبت وقلت مش وقته,   نوارة دي المركز اللي بندور حواليه , ولما تزعل لازم كمدونين أوفياء نزعل احنا كمان ياه يا نوارة هو انا ناقص اكتئاب, صحيح اللي يشوف بلاوي الناس , هو تقريبا يعني أنا متأكد والله أعلم أني بدور على الاكتئاب واللي يخليني أكتئب أحبه  وشعاري آكئب الكآبة على كآبتها علشان متكئبنيش وكنت ببرر ده لأني مش تافه ودايما ببص للأمور بعمق بالرغم من القول المأثور (أديني في الهايف وأنا أحبك يا ننانس) ولما ننانس زعل بقت يا فننانس أصل خاف يرجع عليه بالتعويض يارب ارحمنا واحنا راضيين بقضائك والله لا نريد لا منصب ولا جاه ولا مال ولا ننتظر شيئا من الحياة الدنيا فحسبنا جنتك يارب انشر الخير والعدل والحق بين عبادك يا رب عليك بالظلمة القاتلين السارقين المعذبين عبادك المفسدين في الأرض يارب اغفر لي ذنوبي وقوي قلبي بالايمان وأدخلني جنتك

يحلم كثيرا بأنه يطير , يجري مسرعا يرفع يديه ويغمض عينيه فترتفع قدميه عن الأرض  في صغره كان متيقن من أنه يطير, لا يعرف سببا لتكرار هذا الحلم, هل يريد كسر كل القيود التي تتحكم به ليصبح حرا  سأل مهتما بتفسير الأحلام, فقال له يوجد تفسير واحد وهو قرب أجلك, ابتسم له وقال ليت كلامك صحيحا لكن كيف نعرف بميعاد أجلنا عن طريق حلم,ثم أن هذا الحلم يأتيني منذ سنين طويلة, ولم يتغير شيئا

إذا صح كلامه فهو ينتظر لن يخاف شيئا, أفكاره عن الموت ليست كلها سلبية, دائما ما يفكر في ما بعد الموت, يحسد من اتخذ قرار انهاء حياته بيده حتى من يعدم, يقيدوا يديه ورجليه ويغطوا رأسه,يصوروه حتى يجعلوه عبرة,لا يشفق عليه كثيرا على الأقل  سيعرف بعد دقيقتين ماذا يدور في هذا العالم 

تختلط عنده صورة من يقودوه للإعدام ومن يدخلوه قبره, يعترضوا إذا أدخل الميت القبر بقدمه  هل ستفرق كثيرا, هل سيشفع له إذا أدخل برأسه, كلها بضعة أيام ولن يعرفوا قدمه من رأسه 

يسمع الواعظ( استغفروا لأخيكم فانه الآن يسأل) احسدوا أخيكم فأنه الآن يعرف, ولن يخبر أحدا

هل سيكون قبره روضه من رياض الجنه أم حفره من حفر النار

إذا أنكر عذاب القبر فهو كافر

 إختلفوا كثيرا في التسميات ما بين استشهادي وانتحاري وكافر

 إذا كان من أجل دينه أو وطنه فهو استشهادي وإذا كان من أجل نشر أفكار جماعة صغيرة فهو انتحاري, اما من مات ليخلص نفسه من عذابه فهو كافر لن يدافع عنه أحد

 مصر 2020

 أخيرا وبعد منافسة مريرة مع الأخ العقيد والتي كان لملك الموت القول الفصل فيها وبعد انتحار

 جمال لتبدد أي أمل له في المنصب بسط الرئيس جناحيه على الصعيد الدولي والمحلي حيث تم تكريمه مؤخرا من هيئة الأمم المتحدة لانجازته في نشر السلام في منطقة الشرق الأوسط, الأمر الذي مكنه من الحصول على جائزة نوبل للسلام لاقتناع جميع زعماء المنطقة  بآرائه بعد حصوله على نوبل في الطب لاكتشافه الجين المسبب للخلود بالرغم من الشكوك المثارة حول هذا الأمر حيث لم ينجح تطبيق هذه العملية حتى الآن إلا عليه , وجاء ذلك بعد عام واحد من حصوله على نوبل في الكيمياء بعد اعتراف زويل بنقل ابحاثه من مذكرات الرئيس التي كان لها الفضل في حصوله على نوبل في الأداب  واستقر الوضع تماما في المنطقة ولم نعد نسمع مصطلحات من قبيل "شرق أوسط خالي من السلاح النووي" " والأرض مقابل السلام" ومصطلح المقاومة" وغيرها من المصطلحات التي أصبحت فارغة من أي مضمون

وعلى الصعيد المحلي , آمن الجميع بحكمة سيادته فخلت الساحة تماما من أصوات المعارضة بعد إقرارهم بأنه مبعوث آلهي لتحقيق الاستقرار والرخاء للشعب المصري فكان له الفضل  في محو تواجد الشعب المصري تحت خط الفقر بعد رفعه للخط    والعمل بالنظامين الأرضي واللاسلكي, وفي طريقه للحصول على نوبل للفيزياء استطاع  الرئيس اكتشاف سر تحويل التراب إلى ذهب ما أغنى المصريين عن الخروج إلى العمل داخليا وخارجيا الأمر الذي قضى على حوادث النقل برا وبحرا وجوا وبطبيعة الحال اختفت مشكلة تلوث الهواء بعد ابتعادهم عن الصناعة والزراعة ولم يلتفتوا اطلاقا لتلوث الماء بعد انتشار زجاجات المياه المعدنية فنعم المواطنون بالصحة والعافية وقلت معدلات الاصابة بالأمراض وزاد متوسط عمر الفرد ودخله إلى مستويات قياسية ولم يعد بحاجة إلى مجلس للوزراء ولا إلى وزارات تفرض الأمن بعد استقرار الوضع تماما في مصر  والشرق الوسط

فقط لو يستطيع البكاء, يشعر أن الله يعاقبه دائما مرتين مرة لعدم تحقق أمانيه ومرة لحرمانه من نعمة البكاء , يريد أن يصبح انسانا عاديا يبكي إذا شعر بالحزن

لا يقبل بالحلول الوسط, متطرف دائما في انفعالاته , في فرحه يملأ الدنيا صراخا وضحكا وفي حزنه يملأ الدنيا صراخا وغما , إذا حزن فيجب أن تتوقف الدنيا

حاول كثيرا أن يبكي فلم يقدر فاكتفى بأشكال البكاء , يمكث وحيدا في الظلام يعتصر قلبه حزنا, يصرخ بالآهات يتساءل عن السبب في عذابه الدائم هل هو طموحه الزائد, لماذا لا يرضى مثل الآخرين, متمرد دائما حتى على قدره

يتذكر الآن كيف مات طفل صغير من أقاربه أمامه ولم يستطع فعل شيئا, حمله وذهب به إلى المستشفى كان الكل يبكي إلا هو, حسدهم على نعمة البكاء كان يحاول تقليدهم, يتهدج صوته, ينظر لعيونهم المليئه بالدموع هل سيتهموه بالتقصير, جزعت أمه حين علمت أنه كان موجودا ولم يفعل شيئا, طالبته أن يزيل آثار الدماء عن ملابسه

حتى حمله إلى المستشفى  كان بعد فوات الأوان, طالبه من شاهد الحادث معه أن يتركه, فلقد انتهى أمره, صرخ فيهم أنه قريبي كيف أتركه ممددا يلفظ أنفاسه , تمنى أن يتركو المتسبب في الحادث, فليس ذنبه, هو القدر المتربص به, دافع عنه فلقد رأى كل شئ لا داعي لعذاب إنسان آخر

حضرت له أم الطفل احتضنته, خففت عنه قليلا حزنه, أعتذر لها عدم قدرته على فعل شيئ حاول استغلال اللحظة المؤثرة في أن يبكي , ولكن هيهات 

 يسخر منه القدر, ستبقى دائما وحدك, لن يشاركك أحد الآمك

لما كنت صغير كانت الناس كلها بتخاف مني أصل كنت دايما باعيط ولو طنشوني أفضل أصرخ لحد ما حد يعبرني لدرجة أني كنت بتعب من العياط وساعات كتير كنت آخد بريك وأكمل عياط, ولما كانوا يعندوا معايا أكتر كنت أبدأ بتكسير أي حاجة قدامي ,وهما برضه كانوا بيكسروا أي حاجة في , لحد ما زهقت وأنا صغير برضه ولقيت نفسي مش عارف أعيط, أنتهت مرحلة العياط فجأة كدة والله والناس أستغربت وكانوا بيقولولي ايه أنت مش هاتعيط ولا ايه ؟ أصل فجأة كدة  تنقطع عن موضوع العياط ده صعب ,

وأستغربت جدا للموضوع ده , أصل كان بيحصلي مصايب كتير قوي بس ماكنتش عارف أعيط , وأستمرت مرحلة التحجر الدمعي  فترة طويلة من الزمن لحد ما يئست من رجوع الدموع الى القنوات الدمعية اللي هي في العين تقريبا وساعات بتفتح في المناخير لما يبقى الموضوع واسع حبتين, وفجأة برضه وأنا بتفرج على فيلم كتيبة الإعدام بدأت الدموع في الإنهمار ساعة لما الناس كلها عرفت أن نور الشريف مش خاين وماسرقش مرتبات الجيش اللي كان متحاصر , الفيلم ده كل ما أشوفه أقعد أعيط كتير قوي , لدرجة أني أول امبارح كنت بتفرج على فيلم تايتانيك على نايل لايف وطبعا كنت باعيط , فأعلنوا أسفل الشاشة أن التالي على نايل سينما هو كتيبة الاعدام فاتقلب العياط لشحتفه , يعني شفت أسمه زاد العياط , وطبعا في قايمة الأفلام اللي باعيط لما أشوفها أفلام كتير لعاطف الطيب, بس اللي أستغربتله جدا أن الحالة زادت قوي ودخل فيها الأفلام الكوميدي بجد يعني كان أول فيلم كوميدي أعيط وأنا باشوفه فيلم عودة الندلة مش عارف ليه والعياط بدأ لما كانت عبلة كامل بتغني وهي بتحمي الحمار , فضلت أدور لها على تفسير مش لاقي, قلت جايز علشان الفيلم بيتكلم عن الأم  مش بعيد برضه  , زادت المسألة وبهوأت ومبقتش عارف أتحكم فيها يعني ساعات الفيلم أبقى شايفه ميت مرة وعادي ومعيطش قبل كدة وأنا بشوفه ومرة واحدة أعيط , ولأ فيلم بوبوس الفيلم ده شفتوا كت جدا يعني كل لما عادل  إمام يقرب من يسرا يبقى فيه قطع يعني ماشوفتش فيلم أصلا هي رقابة كدة لوحدها عملاها الشركة اللي بتوزع الفيلم والناس مش فارقة معاها أصل لانشوف الفيلم كدة يا نشوفه ف لاب توب وبرضه مش هانفهم حاجة , المهم حتى الفيلم الكت جدا ده عيطت فيه نص ساعة مش عارف زعلان من الرقيب ولا ايه

في السينما طبعا الحمد لله الدنيا ضلمة يعني باخد راحتي على الأخر, بس ساعات نوبات العياط بتنتابني وأنا بتفرج جنب الناس على فيلم في التليفزيون ومبقاش عارف أعمل ايه بيبقى صعبان على الدمع اللي محبوس وبدعي أن ربنا يفك حبسه

 عذرا يا أحرار فلم يجدوا غير خدامة لتبحث لكم عن وظائف
كنت مقتنع أن مش عيب نشتغل أي حاجة في أي بلد وكنت بقول للجماعة المعارضين زي مصطفى بكري(  معارضي المفضل أيام الاعدادية , سقف انتقاداته رئيس وزراء وانت نازل, ودايما يناشد السيد الرئيس)انتوا وفرتلهم وظايف عندكم وقالوا لأ, ما تسيبوا الناس تاكل عيش وبعدين دول هايشتغلوا في مدارس يعني لسه الحمد لله مادخلناش في مرحلة الخدمة في البيوت, لحد ما شفت الست عيشة بتبوس ايد ماما سوزان, فضلت أدور لها على تفسير ليه واحدة زي ماما سوزان الناس بدأت تبوس ايديها يكونش ظهرت لها كرامات ولكني لم أسمع عن مقام لماما سوزان, بالطبع كرامة الأب والأبن تكفي, تكفي لأن يدور الناس حولها يوميا سبع مرات طلبا في شفاعة ماما عند الأب والأبن, معروف بالطبع انه نتيجة علاقتها بالأول, جاء الثاني, وما أدراك ما الأول وماذا ينتظر الثاني تسألت كثيرا
هل هي بوسة تقدير أم بوسة محبة أم بوسة وهاتحطها جنب الحيط , وهل كل الوزراء بيبوسوا ماما أم السيدات فقط , حيث لا يقبل عمل الوزير إلا على وضوء,  

ما اقتنع به أن تكون لدينا سفارة قوية تدافع عن حقوق العمال أيا كانت فئتهم, تحميهم من بطش صاحب عمل ومن عقوبة تتجاوز حتى ما جاء القرآن  أضعاف المرات , وصدقوني لن تفرق أذا كانوا أطباء أو خدم المهم أنهم مصريون لن يسأل عنهم أحد , فالكل سواسية في الذل, مادام رضينا أن نهان في بلدنا فلن تفرق بعض اهانات في الغربة , على الأقل يدفعوا مقابل الاهانة

الناس كلها قرفانة  من عيشتها  وبتقول دي مابقتش عيشة
عيشة تضحك في خلاعة  اهيهيهيهيهيهييييييي وترد هي كانت عيشة بس بقت زينب

بعد تجاوزنا لمرحلة الالعاب الذهنية وتبعا لمقولة (العقل السليم في الجسم السليم) فلقد  أتخذت قرارا أريدكم جميعا أن تساعدوني على تنفيذه,فلقد قررت أن أقتحم مجال الالعاب البدنية طمعا في عطاء راعي الرياضة والرياضيين, وابتديت ولله الحمد بالعاب التراث اللي اتربينا عليها كلنا ,وبالطبع  كان لزاما علي أن ابدأ أولا بالبحث والأطلاع كما هي عادتي دائما في أي خطوة أخطوها, فهالني ما وجدت من كم ما نشر عن العابنا القديمة, وبصدد تحقيقه وتنقيحه وتبسيطه حتى يصلح للنشر

انا مش مصدق, مفيش راحة شوية علشان نركز في الهم الكبير اللي على قلوبنا, زي ما يكون بيقولوا الهو الناس بالمصايب علشان تنسى موضوع التوريث ,مش عارف ليه نظرية المؤامرة بدأت تسيطر علي مؤخرا, ده أنا حتى كنت باقول دول عملوا موضوع نور الشريف علشان ينسونا موضوع فاروق حسني ,وهما متأكدين ان الشعب مش هايتحرك ولو مات 30 ألف ,  و يا إما ننسى لوحدنا يا إما تيجي مصيبة تانية تنسينا الأولانية واهم مناديب الداخلية شغالين الله ينور (المحصل بيقول أن القطر وقف علشان جاموسة , وكانت في حالة وضع متعسر فاستناها لحد ما التاني جه لبس,  يكون فاكر ان احنا هنود وهتبقى مشكلة لو خبط جاموسة, بقى ياربي الأول يقف لجاموسة والتاني ما يقفش لقطر,  تعرفوا لو عممنا تجربة أن كل قطر يجر جاموسة , هنقضي تماما على مشكلة القطارات, وحتى لو خبط الجاموسة المسكينة, فوقف علشان يوديها المستشفى ولا يلم من الركاب تمن الجاموسة ) أعمل نفسك عبيط وصدق الهبل اللي بيقولوه علشان الحياة تمشي, أصلها مش هاتقف على كام واحد مالهمش لازمة, مش فارقة يشيلها سواق أو حتى جاموسة, يا عيني ع الجمايس لما تتقابل يا عيني

حملة (ايش عرفك انت) اللي أطلقتها نوارةhttp://www.tahyyes.org/
شغالة وان شاء الله هاتحقق نتايج هايلة قريب

تسائل لماذا لا يراها صدفة, هل لا يريد القدر لهما ان يجتمعها سويا , لما دخل الايمان والحب قلبه , خشع وأصبح كثيرا ما يبكي في الصلاة, أصبح يؤمن بعلامات القدر

طلب من الله علامة ترشده إلى طريق الهداية, لكن طال الأمر, كاد أن يفقد الأمل

لم يراها بل رأى طيفا على بعد مائتي متر, هل هي حقا ام خيالات في عقله , لن يخسر شيئا ترك زميله وعبر الشارع المزدحم وهو يمني نفسه ان تكون هي, بالرغم من نظره الحاد لا يعرف كيف لمح طيفها, بالتأكيد هو شيئا أراده الله

أخذ يراقبها من بعيد, يخشى أن تراه, ينتظر اللحظة المناسبة, يقترب ويبعد, يقنع بمشاهدتها تحادث البائع, تخرج من محل لتدخل آخر, من مبنى لآخر

تحدثه نفسه الامارة بالسوء, لا تقدم على هذه الخطوة, فمن الممكن أن تفقد وظيفتك في أي وقت, ومازال راتبك بسيطا لن يكفي متطلبات الحياة, وهل تقدر على تحمل مسؤولية نفسك لتتحمل مسؤولية آخر, تزداد مخاوفه ان ترفضه, امن الممكن أن تهزأ بمشاعره

صرخ في أعماقه

ألن تتخلى عن جبنك, متى ستأخذ خطوة ايجابية, هل تنتظر منها هي هذه الخطوة في مجتمع شرقي, أكنت ترضى لأختك ان تتجاوب مع شاب,

تبحث عن شيئا في حقيبة يدها, رجعت  لتسأل البائع , خرجت من المبنى مسرعة, لم  يستطع أن يعرض عليها المساعدة, هل لو تقدم ستعتبره تطفلا , تمنى لو كانت هناك صلة ليساعدها في ايجاد ما تبحث عنه

لقد تمكنت مني هذه اللعبة, بالفعل أريد ان أقلع عنها , حاولت بكل الطرق لكن لا أقدر, جربت الطرق القديمة التي كانت تنفع أيام الامتحانات فحين يزين لي شيطاني أن ابدأ جيم اقسم بأفظع الأيمان انه سيكون الجيم الأول والأخير لمدة ساعة على الأقل, فتنتهي أيام وليالي بدون ان انتبه   جربت طريقة التعنيف حيث استمر في ترديد جمل نابية بدأتها  (يلا  يا صايع قوم شوف شغللك ) وتتطور  المفردات تبعا لمدى تمسكي باللعب فلو عايز ألعب تبقى صايع ولو عايز ألعب قوي تبقى كلب ولو عايز ألعب جدا ولو عايز ألعب خالص وهاموت وألعب وكل الحالات التي تدل على إدماني لن أستطع كتابة مفرداتها , حيث أفضل الاحتفاظ بها لنفسي, خوفا من طردي خارج جنة الفيس بوك,ولما نبهني من حولي أني لم انم منذ فترة طويلة وتأكدت أن مقعدتي لم تفارق مقعدي أسلمت نفسي لفكرة عمل فتحة صغيرة في المقعد تغنيني عن الذهاب إلى أقرب جدار في الغرفة, وفي إحدى محاولات تخلصي من هذه اللعبة تطور الأمر للإيذاء البدني,ففضلت  زيارة طبيب نفسي عن زيارة طبيب جراحة التجميل والحروق, وطلب مني  بطبيعة الحال في أول زيارة شرحها له , وبدأ بتجربتها أمامي ,  ثم انفعل مرات كثيرة بعد فشله في تخطي المراحل الأولى للعبة فأشعرته أني مازلت جالسا فصرخ في طالبا معاودته في وقت آخر حتى يستطيع فهم سر إدمان اللعبة , وبالفعل رجعت له بعد فترة,  فلم أجد الطبيب ولا العيادة, وبالسؤال عرفت أن الطبيب يرقد في عنبر مخصوص لممارسي اللعبة  افتتح مؤخرا في مستشفى العباسية للصحة النفسية, وعلمت أنه قد تفوق على كل نزلاء القسم الجديد, وفي الحالات النادرة التي يجبروه عن التخلي عن اللعبة ولا يصيبه هياج مدمر, أحيانا ما يردد اسمي  اعترافا بفضلي عليه في تعليمه هذه اللعبة, فذهبت إلى القسم حيث شاهدت أوضاعا مأساوية يعيشها نزلاء القسم, فنزلت سكينة الله على قلبي وتذكرت القول المأثور (اللي يشوف بلاوي الناس تهون عليه بلوته) ومنذ ذلك اليوم بدأت في التخلص تدريجيا من إدماني لهذه اللعبة, ونظرا لخبرتي الطويلة في اللعبة وكوني أول من استطاع التخلص من إدمانها, دعتني إدارة المستشفي لإلقاء بعض المحاضرات على نزلاء القسم حيث مازالت هناك قلة لم تفقد كامل عقلها, واستطعت بحمد الله إعادة تأهيلهم و بدأوا الآن في التعرف على من حولهم وأكثر من ذلك استطاع اثنين منهم حل بعض العمليات الحسابية البسيطة مما يعد إنجازا, وتم تكريمي من إدارة المستشفى , وأصدرت كتيب صغير يشرح كيفية الإقلاع عن إدمان اللعبة , أهديت إدارة المستشفى عدة نسخ , تكفيرا عن ذنوبي ومحاولة للتخلص من إحساسي بالذنب لنشر هذه اللعبة

ويتوالى مسلسل تحطيم الأرقام, ان شاء الله في كلام على أن اللعبة دي تنزل الأولمبيات , وبكده أؤكد لكم من الوقتي أن الذهبية مضمونة, بس دي هتبقى مضمونة علطول, يعني كل أربع سنين فيه ذهبية, لأنها لعبة مش محتاجة غير المجهود الزهني, وده ولله الحمد في تزايد مستمر, وطبعا كلنا عارفين ان فرص اصابات الزهن تكاد تكون معدومة,خاصة انه لا يوجد أي سجل مرضي في تاريخ العائلة, وبالطبع لن ينال الغرور مني كما فعل مع من حققوا ميداليات سابقا, ومش هاكلف الدولة لا معسكرات خارجية ولا مرتب مدرب أجنبي, كل اللي انا محتاجه , تشجيعكم الدائم لي حتى نرفع اسم مصر , قبل ما ترفعنا هي

العادلي بيقول  في المصري اليوم«تم القبض على أبوزهرى أثناء دخوله البلاد متسللاً عبر الحدود بطريقة غير شرعية، وخضع للإجراءات القانونية الطبيعية، ولأنه كان مريضاً بعدة أمراض ظهرت عليه علامات الإعياء أثناء احتجازه، وتم عرضه على الأطباء لكن القدر كان أسرع فتوفى بسبب مرضه».  كلام طبيعي جدا من وزير داخلية, استطاع أن يحافظ على منصبه لأكثر من عشر سنوات, ولا داعي لمناقشة الهبل اللي بيقوله , لأنه واضح أنه مقتنع بيه , ولن ينفع مع هذا النظام إلا القوة

يقينا هم يريدون ذلك, سمعنا كثيرا عن قرب انفجار الشعب المصري

لا أدري , لماذا يحرص الأهل على إدخال ابنائهم كلية الشرطة, من يرضى أن يصبح هذا الرجل هو رئيسه

الا يوجد من ينصحه في عائلته, أم أن الاعلام الحكومي قدر على تغييب وعي الناس, هذا إذا أفترضنا حسن النية
بعد كل هذا, تجد معظم الكتاب مازالوا يصرون على الكتابة الجادة, املا في الاصلاح
كلما كتبت شيئا , أجد أنه قد قيل مئات المرات بطرق مختلفة, فاتجهت الى الكتابة الساخرة, بلا هدف وممكن بلا معنى
وكثيرا ما اسخر من نفسي, لعلي أصبح مختلفا  

 الشركة عايزة ترفع من معنوياتي , بعد ما خلصت كل الألقاب والكؤوس , مثلما أوضحت سابقا, قال ايه ,باعتنلي واحد بالكأس ده ويقولي , معاليك يا باشا اللقب ده معمول مخصوص علشان سيادتك, قلتله ايه يا بني , معاليك يا باشا وسيادتك , انا شخص عادي جدا , وإذا كان أنا... صحيح متفوق لدرجة الهبل, يعني متفوق بالهبل , زي كدة قشطة بالهبل وماحدش عارف يهوب لأرقامي وطورت اللعبة, وأصدرت كتاب لمساعدة من منحهم الله كامل نعمته بعيدا عن العقل , فده مش معناه أني خلاص فاضيلكم,  قالي يا باشا ده أنت حصلت على لقب(مغامر الفضاء الخارجي), واللقب ده ماخدوش الا واحد بس قبل سيادتك , قولتله مين يابني , قالي الكلبة لايكا ومعاليك يا باشا

Tarek earned the Space Adventurer trophy in Brain Buddies.

على فكرة أنا بصدد طرح كتاب في الأسواق بالتعاون مع الشركة الراعية , بشرح فيه طرق فهم هذه اللعبه والعديد من الألعاب الأخرى من انتاج الشركة , والكتاب ده هايكون باكورة التعاون بينا , الكتاب عبارة عن

عدة فصول كل فصل مخصص لمرحلة , يعني فيه مرحلة المبتدئين , ودي بتخاطب الفئة العمرية بين سن شهر لحد الفطام , ومرحلة ما بعد المبتدئين , فخصصتها للأطفال اللي بدأوا يتعلموا الكلام والمشي ,

وبالنظر إلى عدة شكاوى وردت للشركة الراعية من إقدام بعض مرضى الفصام والبرانويا على تحطيم أجهزة الكومبيوتر الخاصة بيهم , عقب كل فشل في تخطي أي مرحلة من مراحل اللعبة , فدول عملنالهم فصل خاص بيهم في الكتاب , يشرح لهم بطرق سهلة وبسيطة جدا

مراحل فهم هذه اللعبة على طريقة(خد البزه وأقعد, خد البزه ونام) وطبعا عملنا نسخ كتير غير قابله للتقطيع ولا للحرق ولا للبلل علشان خاطرهم , يقدر ذويهم يوفروهالهم

ولم أنسى أخوانا متحدي الاعاقة , ودول بالاتفاق مع الشركة الراعية عملنا لهم نسخة من اللعبة نفسها ليهم هما بس , والشركة بتحذر أي شخص بيعتقد أنه طبيعي من الاقتراب من هذه النسخه .....الكتاب هيكون متوفر قريبا جدا في الأسواق

والله بشكر السادة المسؤولين , وأهدي الفوز للسيد الرئيس, وأحب أقوله أن ولادك هيشرفوك ياريس, وزي ما مصر أنجبت نجيب  محفوظ وأحمد زويل والبرادعي وبيقولوا أنها لقت السادات جنب الجامع أو المعبد اليهودي  فلسه ياما هتجيب ,ربنا يخليك لينا يا ريس , تحيا مصر تحيا مصر, بس بقى علشان امسح دموع النصر

Tarek earned the Bonus Collector trophy in Brain Buddies.

والله يا جماعة ما هاتصدقوا انا جامد ٌقد ايه في اللعبة دي, دا بمجرد ما أمسك الماوس ولسه مالعبتش ولا أتهببت , ألاقي المدير الفني بتاع اللعبة دي ,على نغمة واحدة واو واو واو, أقوله يابني أستنى شوية , أصبر على رزقك زي ما بيقولوا , هو أنا لسه لعبت, وكل شوية أسمع تثقيف وصفير , منبهرين بيا جامد الجماعة اللي عملوا اللعبة دي, ما عدتش فاضل الا يقدمولي عقد ... 

ويقولوا عايزين نستفيد بخبراتك , تعالى طور لنا اللعبة , وزن بقى وكلام فاضي من عينة ايه ده ده انت سمارت وبعديها بشويه ده أنت سمارت جدا وبعديها أنت سمارت خالص دلوقتي حصلت على لقب سمارت آخر حاجة وماعدتش فيه ألقاب تاني خلاص هو فاضل بس أجمع ال300 سمارتي, شغال جامد أنا بقى وقاعد أختار بس مش لاقى سمارتيين كفاية , وأديني أهو بقوللكوا مين عارف جايز أنت كمان تكون سمارتي وانت مش واخد بالك , والله يا جماعة المهمة دي كبيرة كبيرة, أصل ال300 سمارتي دول هما اللي (موكل لهم )يعني يقدروا يعملوا كل حاجة, سمارتيين بقى , والله يا جماعة الموضوع مش بالساهل زى ما أنتوا فاكرين ,دي قصة كفاحي, أبتدتها من زمان قوي من بداية التمانينات , أه التمانينات , أنا أصلي قديم في موضوع الألعاب ده من صغري أيام ما كنا بنلعب أتاري في الشارع , وكان المحاولتين بشلن , ولما ربنا أكرمنا وقدرنا نجيب أتاري في البيت كنت صايع برضه , بس كان الدراع كل شوية يبوظ , وكنت أروح أصلحه ب3 جنيه, 3 جنيه, 3 جنيه , والجهاز أصلا كان كله بخمسين جنيه , فأتخنقت , وقلت للراجل أيه يا عم كل شوية 3جنيه, 3 جنيه , 3 جنيه , 3 جنيه , أصل والله دفعت 3 جنيهات كتير قوي , فاخدت عهد على نفسي أني أبطل أتاري , وقلت أقرأ أوفر , وكانت القراءة للجميع (أدعوا لماما سوزان) وتقريبا قريت كل حاجة من أول ميكي وسمير مرورا (ببركة ال) قصدي الألغاز والشياطين

ورجل المستحيل وملف المستقبل والفرقة الانتحارية وفلاش وحاجات تانية كتير و بس برضه كنت حاسس أن فيه حاجة نقصاني أنا لاعيب قديم يا جماعة , فكنت بحاول أرجع للأتاري من وقت لأخر وبدأت مرحلة كابتن ماجد وسلاحف النينجا, وأخذنا فيها ردحا من الزمن , ثم مرحلة الفيفا والبلاي (بوي) لا استشن ,ده أنا دخلت في مرحلة تانية من قصة حياتي, متعلقة بالموضوع برضه بس ليس مقامها الآن , المهم نررررررجع لموضوعنا , ثم بدأت المرحلة الأخيرة اللي احنا شغالين فيها الوقتي , وبصراحة عجبتني لعدة أسباب أهمها ان الواحد بيلقى رد فعل , زي ما قولتكم موضوع الواو واو , وموضوع تاني بتاع سمارت وال300 سمارتي اللي انا بصدد تنفيده قريبا , لكن زمان كنا بنلعب ومفيش أي مقابل , مش فلوس يعني , بس كفاية الكلمة الحلوة , كفاية اعتراف الشركة الراعية وأهم حاجة أعترافكم أنتم أن أنا خلاص عديت ,والله يا جماعة الحكاية طويلة ولسه برضه المشوار طويل , مش معنى أني وصلت للمرحلة دي , وكم الجوايز اللي خدتها , أني خلاص هأقول كفاية لحد كدة , بالعكس, أبسلوتلي يعني نجيب بطل يكتب بعد الجايزة , ولا زويل قال أرجع بلدي أفتح سوبر ماركت ولا أشتري ميكروباص أشتغل عليه , ولا البرادعي , خد القرشين وقال أستر بيهم البنات و أشتري تربه وأروح أحج , والباقي أحطه في البوسته أهو يعيشوني مستور , ولا السادات بطل يفرم في الناس,  صح مفيش حد عمل كدة لأنهم رجالة ووقفوا وقفة رجالة , مصر لسه محتجالنا يا جماعة , أه يا مصر , مصر هي أمي نيلها, نيلها جوه دمي, شمسها ف سمارتي شمسها في

ال300 سمارتي علشان مانقللش من قدر حد

Sun at 7:06pm · DeleteTarek Ali Alamirلأ مفيش بس مخنوق شوية تصوروا أن خلاص مش لاقي حد يقدر يحطم أرقامي او حتى يقرب منها أو حتى أحس أن يجي منه, الحكاية دي عملالي اكتئاب, برضه التنافس الشريف ده شئ

, مطلوب , تخيلوا اني بلعب من غير نفس , الأول كنت بستعد نفسيا وأنا داخل اللعبة , وكل ماعدي مرحلة ,اخد بريك , ولما اكسر رقمي, أفضل اتنطط, وأحضن اللي جنبي, أيوة بالضبط زي ما عملنا كلنا لما أبوتريكة جاب الجون في ماتش الصفاقسي... 

لحظة عظيمة صحيح ,لكن خلاص , تفتكروا أن ممكن في يوم من الأيام حد يطلع من الجيل الجديد ويقدر يحطم أرقامي

أنا بجد أتمنى , بس فين , واضح أن النشئ الصغير مهتمين , بحاجات تانية غير الحيمز, ودي مسؤوليتنا كلنا يا شباب الفيس بوك , إدعوا أخوانكوا وجيرانكوا وزمايلكم للتعرف على عالم الجيمز , لأن هو ده اللي هينمي عقولنا , هو ده اللي هيخلينا نقدر نواجه الصعاب اللي بتقابلنا , امتى يجي اليوم اللي نشوف فيه الأطفال الصغيرة وهي ماسكة البي اس بي في باصات المدارس , في اليوم ده بس أقدر أقول أن مصر لسه بخير , أقدر أقول أنا مش خايف من بكره, يا ترى امتى , أنا حاسس أن بمجهودكم هيبقى قريب أن شاء الله

علشان كده عايزكم تدخلوا على السايت ده وتسجلوا أساميكم وأسامي كل اللي تعرفوهم علشان نحمل حملة , بي اس بي لكل طفل حويط

alkhankahatlemkomkolkom.org .eg

 أوباما خد نوبل باعتبار ما سيكون, أدوله الجايزة على أساس نيته التمام ( يعني دي

حتة الأرض , اللي هنسرقها لما تتبني ) وبعدين ياخد نوبل بعد شغل 9 شهور , طب

طموحه بعد كدة هيوديه فين, أنا أعرف ناس يا عيني بقالها  أكتر حاجه بسيطة من 9

شهور , بس يا حرام مش عارفين ياخدوا إلا .... ..... ........ على بعض

بس كفاية أنهم حققوا الإستقرار  ... العاطفي

لأ وايه ده جاب لبلده مليون يورو , يا ترى أمريكا هترضى تديله 10 % ولا هتاخدهم

كلهم , الناس التانية جابت لنا الستر , زمانهم بيقولوا يا جزم يا ولاد الكلب , بقى دي بلد

أحكمها , الراجل يا دوبك , بقاله 9 شهور وخد نوبل شفتوا البلاد اللي بتعرف تتحكم

أه يا ربي , ابتلتني ببلد مفيش فيها أمل , شكلي هيبقى ايه قدام الدول , حتة جايزة مش

عارف أشوفلها سكة , طب أعمل ايه يا ولاد الكلب , أظبط اللجنة , طب أظبطهم أزاي

ولو وافقوا, هاظبطهم منين بالظبط  بقى أنا صابر ومستني , وبقول هيبقى عندهم دم

بس لحد أمتى , ده أنا لحد دلوقتي زاهد في حكاية الجوايز , ده حتى جايزتي

رافض تماما أن أديها لنفسي طب أشمعنى اللي قبلي , علشان حقق السلام ,طب ما أنا

حافظت عليه , وكلنا عارفين أن الأحتفاظ بيه , أصعب ألف مرة من تحقيقه

طب أعلن الحرب وبعدين أسلم زيه  طب ما أنا  بطل العبور

وصاحب الضربة الجوية , وصاحب البلد دي, وصاحب صاحبه , وبفهم في الأصول

 وبأعمل الواجب وبروح أفراح ومياتم في كل الدنيا  وعمري ما أقولت كلمة كده ولا كده

ممكن تزعل مني حد ,زي ما بيقولوا , ماشي جنب الحيط وكافي خيري شري

طب الننوس اللي لسة ماتولدش ده ياخدها بأمارة ايه ده لسه تحت الأختبار

ده حتى ما كملش فترته الأولى ,

هي أكيد بلده السبب,  شعبه المحترم اللي عارف يتحكم مش أنتوا يا ولاد الكلب

أقولكوا يمين تقولولي شمال , طب أعمل فيكوا ايه علشان أخلص منكم , أغرقكم

مش نافع أولع فيكم ما بتخلصوش , أسرطنكم , ما بيحوقش فيكم , أدي الميه والهواء

سممتهم , على الله ينفع والله يا ولاد الجزم لأفضل وراكم يا أنا يا أنتم في الدنيا دي

ولو حد لعب في دماغكم وقالكوا أن كل شيء وله آخر وأن أنا ممكن كده بعد الشر

ممكن يعني زي  ما الناس ممكن تفتكر, مش عارف أقولها يا ولاد الكلب

شفتوا تعبتوني أزاي ودخلتوا أفكار من دي في دماغي , على العموم يعني عايز أقولكم

أن اللي خلف ما ماتش  وهأسيب لكم حاجة من ريحتي ,حاجه كدة عمولة , تربيتي يا

كلاب , ورث كل حاجة عني , بس هو فكره جديد شويه لأ وشلته ايه كلهم ناس متربيين

وزي الفل, مش حوش زيكم يا بقر, على الله يتمر فيكم وف أهاليكم

والله خسارة فيكم فلزة كبدي ده وأبقوا وروني هاتفلصفصوا منه أزاي

أديني تاني أقولها يا أنا وفلزة كبدي من بعدي  يا أنتم

كل سنة وانتوا طيبين بمناسبة 6 أكتوبر , بس أنا مش عارف المفروض نحتفل ونفرح

باليوم ده ةلا لأ , بس اكيد الحاجة الوحيدة اللي أنا متأكد منها أن أحنا بنحيي ذكرى

  شهدائنا , ومش عارف كانوا هايوفقوا على قرار وقف الحرب وقرار السلام  ولا لأ

المهم  حكاية 6 أكتوبر بدأت معايا أن كان فيه حاجات كتير أسمها 6 أكتوبر حتى كان فيه 

حلل 6 أكتوبر وطبعا كان اليوم أجازة ( وكنت ممتن قوي لده)  وكنت بتابع الأفلام اللي

منها أتأكدت أن احنا مابنعرفش نعمل حاجة خالص

ولما  كبرت شوية بدأت أسمع كتير عن التشكيك في نصر أكتوبر وبصراحة كنت بصدقها

لعدة أسباب أهمها أن النظام كان بيقول أن احنا انتصرنا , وأنا مستحيل أصدق أي حاجة يقولها

النظام (ذي ما بيقولوا أنا ذي الشريك المخالف , النظام يقول يمين وأنا مغمض أقول

(شمال

طب ايه رأيكوا في حكاية , أول جندي عبر ورفع العلم على خط بارليف , اللي لسة قرفنا بيها لحد الوقتي , قال يعني سباق جري , واسرائيل كانت شدة حبل  بطول خط بارليف

والجندي ده ربنا يكتر من أمثاله , أول واحد لمس الحبل , وطبعا لمه وأداه للقيادة ,

فعرفوا علطول أن هو أول واحد عبر وكله شاور عليه وقالوا , أول واحد أهو هو

ولا ممكن كانوا واقفين في طابور طويل ذي طابور العيش (أيام ماكانت الناس

بتلتزم بطابور العيش )والجندي ده أول واحد واقف في الطابور فطبعا أول واحد عبر

بزمتكوا ده كلام ممكن نصدقه

حتى فيلم حكايات الغريب,  أثاروا المسألة

دي لما كانوا بيدورا على غريب , تقريبا الحكاية دي مهمة جدا بنفس أهمية حدف

طيارات العدو بالطوب , لأن هي دي اللي ضربت أمل في بحر البقر

أهي مصر اتهزمت, لازم يعني يربطوا بين ماتش و6 أكتوبر (واستحضروا روح أكتوبر يا أبطال , علشان تبقى الفرحة فرحتين) أهي

 بقت الوكسة حاجة تملى العين , ومشغلين أغاني وطنية في الأستاد ,علشان يشحنوا اللعيبة , أهم هنجوا

كثر الحديث مؤخرا عن فاروق حسني, الرجل حقيقة يعتبر من أشجع الرجال, فقد تحمل كثيرا

ولم يرد, ولقد أخذت عهدا على نفسي مادمت أتنفس أن أرفع الظلم عن أي مظلوم, هذا

الرجل البريء, الطاهر, العفيف, ما هو ذنبه, اذا كان أختير

ليترأس وزارة المفروض أن تشكل وجدان الشباب, وتعلمه كيف يفكر وكيف يكون حرا, هل تعتقدوا أن المسكين

  يستطيع الأختيار , وهل يقدر على الرفض ,وما ذنبه أذا كان لا يقرأ , بس بيرسم, وهذا يؤكد أنه مثقف

أحب هواية الرسم ,فأبدع فيها , ولكن صبرا,  فكم من فنان حقيقي عاش بين شعبه الذي لا يقدر موهبته حتى يموت

فيندم الشعب ,فندعوا الله أن يقدرك شعبك سريعا خاصة بعد تجاوزك السبعين, أمد الله في عمرك وعمر من يحكمك

 يكفيك فخرا رضاء الله عليك الذي أنعم عليك بالمال والجاه والسلطة , وحب الرجال المقربين

ومن مظاهر رضى الله رضاء المعلم الكبير , فمن شدة اهتمامه برجاله الأوفياء يحرص على

أن يطمئن عليهم من حين إلى آخر, فلم يستطع صبرا حتى يرجع ليخفف عنه, بل كان هو

أول المتصلين,

انظروا ماذا فال له (إرم ورا ظهرك) ظهره حمال الآسية, المفرج عن المعذبين في الأرض,

الذي تحمل الكثير في سبيل تقدم الأمة ورفعة شأنها,

كم أنت عظيم يا فاروق, كم تحملت, وتحملت أعضاء جسدك

فدعهم, فوالله لن يضروك شيئا,

وها هو الكبير يداوي جراحه, انه يعرفهم, يعرف خباياهم, يعرف كيف يوظفهم, يعرف

ماذا سيعطي هذا, ومن سيفعل في ذاك,

يعرف أن ظهره هو الوحيد في خباياه ,سيخفف عن باقي جسده

من حافظ طيلة 22 عاما على عهده, سيتحمل سخافات قلة مندسة, فدعهم وامض في

طريقك وطبق سياساتك, التي حققت بها النهضة المعاصرة في الوسط الثقافي,

ويالها من سياسة يا سادة, انها سياسة "القادمون من الخلف", فلقد طبقها قبل توليه

المسؤولية (لا نعرف على وجه التحديد, متى طبقها , حينما كان صبيا يلعب أم حينما

كان في ريعان شبابه, وهل طبقها مجبرا أم تم التغرير به مثل الكثيرين

ولازمته بعد المسؤولية

 فتصدى بها لهجمات تتوالى عليه من كل الجهات تريد كسر عذة نفسه, جهلاء لا يعرفون

يا صديقي العزيز انها مطاطية لن تخرق وإذا خرقت سرعان ما تلتئم وكأن شيئا لم

يكن , ومنها استوحى

الصينيون ما يتم تداوله سرا الآن, وعلنا لاحقا,

هذا السياسة التي بها قاوم أعداء الداخل والخارج,

لم يلتفت إلى الداخل فمن هؤلاء ما دام مشمولا برعاية الكبير,

أما الخارج فعرفهم ودرس طباعهم, فعرف كيف يعاملهم, لم يكن محتاج إليهم,

فظل طويلا يهاجمهم,وحين اشتاق, ودهم, ولكن على من, أنهم أسيادك , هاجموه بضراوة

فمص غضبهم, فذادوا عنفا فحنى ظهره,فأخذوا غرضهم منه كاملا,فاستمتع وعدل من وضعه

, وذهب إلى المعركة لا يخشى في الحق لومة لائم,فلبس رداء العزة والكرامة

ورجع إلى بلده غير آسف على شئ, فرفعه الشعب عاليا

هنيئا لك يا فاروق لباس العزة الذي لبسته ,أنه أعلى تكريم حصل عليه وزير مصري لأنه لباس من النوع الدولي

فأحرص يا فاروق على ألا تتحدث كثيرا في مثل هذه الأمور , فبعض ضعاف النفوس

لا تهمهم مصلحتهم بقدر إفساد مصلحة من مٌن الله عليه.

من زمان وأنا بقول أن أي حد بيشتغل في السياسة لازم يكون واضع مصلحة الناس, في المقام الأول

وينسى خالص مصلحته الشخصية ,ده بمناسبة وصلات الردح اللي بنتابعها على الهواء

بين الحاج مرتضى منصور والمعلم شوبير,

فعلا كل ما أشوف وصلة من دول أفرح وأقول (اللهم أهللك الظالمين بالظالمين)  يعني يا

معلم أنت مش أحسن خالص من الحاج ,أنتوا الأتنين عينة واحدة, بدوروا على مصلحتكوا

بأي طريقة ,والله فيه بس بعض الفروق البسيطة بينكوا ,مثلا مرتضى متهور شوية

وعصبي ومابيتحكمش في انفعالاته ودايما بيضحك الناس عليه, في المقابل نلاقي شوبير

 ماعندوش قبول وصوته شبه صوت الجاموسة ,ده ممكن والله الجاموسة أحسن لأنها

 

   صوت طبيعي خلقة ربنا يعني ,بيبقى يوم أسود لو أضطريت أسمعه بيزيع ماتش

 

بس تحسوا أن شوبير جاهل جدا بكل اللي بيدور حواليه ,زي معظم أعضاء الحزن

 

الوطني,لكن مرتضى بيجيب دايما من الأخر يعني يجيب بلطجية علشان يراقبوا

الانتخابات

 

تقوم الحكومة تعتقله ,يحس بشوية عوق في القضاء الإداري يروح علطول لسيد نوفل

 

يطس سنة ,بس برده ما ببيتعداش حدوده ,يعني من رئيس وزراء وأنت نازل

 

وبيحب يجامل كتير ,لو فيه واحد تاعب النظام شويه,لن يسلم من ردح مرتضى

 

 وأهو كل اللي عند النظام ما بيروحش

 

يا معلمين , والنبي ماتحرمونا من الردح وعايزكوا تشوطوا في بعض جامد

 

وماتعملوش حساب حد ,وأنا عشمي في ربنا كبير أن الحاج مرتضى يلبد للمعلم شوبير

 

في الدرة ويوز عليه اتنين بلطجية ,لأن شوشو بيستخدم سلاح مرتضى الوسخ قوي

 

زي مانتوا عارفين اللي هو الردح, ومرتضى مش عارف يعمل ايه ,لأنه ماعندوش

 

قناة زي التاني

 

وأحب أختم بالمقولة الشهيرة (طوبة على طوبة, خلي العاركة منصوبة)ربنا مايحرمكوش

 

من الوطني

 

 

 

 

والله أنا موضوع الحاج فاروق حسني ده , عاملي فجوة

فجوة دي مقتبسة من فيلم كباريه_

المهم أنا بصدد كتابة مقال عن المعلم وعن وزارة الثقافة عموما

مقال ايه بقى ماقولكش لا تقولي ,فهمي هويدي ولا إبراهيم عيسى إنسى

إنتظروني

لا يعرف لماذا سافر ولا متى سيرجع,اتهموه سابقا أنه (مش بتاع شغل), لم يحتفظ بأي وظيفة

أكثر من 6 أشهر, كان دائما ما يختلق المشكلات مع زملائه في العمل, وكانت وجهة نظره,

أن عدم النظام هو ما يخلق المشكلات, كان يردد في فخر (أنا مايعجبنيش الحال المايل),

وإذا أراد أن يقوي من منطقه أضاف(من رأى منكم منكرا يا أخي) ولكنه كان يعرف أن

الحب والكره هو ما يتحكم في تصرفاته, فمن الممكن أن يتغاضي عن أي خطأ إذا أرتكبه

من يحبه, بل كان يحاول إصلاحه, أما لو العكس , فكان أول من يواجهه مرتكب الخطأ,

وبهذا زادت عداواته, تقريبا لم يبقى له أي من أصدقائه,

بدأ يراجع حساباته, في أجازته الأخيرة ,  ألح عليه والده ان يتزوج,تحدثا عن مرضه المزمن , الذي يحصد أرواح زملائه ,إذا غاب أحدهم لمدة محددة , فيعرف الجميع أن دوره قد حان, ويبدأوا بالترحم عليه, لا يخلو  الأمر من بعض المزايا, أهمها أفساح مكان لمريض آخر, يحكي عن أحد زملائه دخلت ابره كبيره في شرايينه ,ولم يستطع الأطباء  اخراجها,سافر إلى القاهرة وبعد الفترة المحددة...انتابت أحد زملائه نوبة بكاء _حرام عليكم موتوا الراجل

كانت دايما بتقولي, احنا شبه بعض في حاجات كتير , وكنت مستني أي خطوة ايجابية منها , بس للأسف طموحها كان عائق في طريقنا , مع أني كنت مستعد أضحي علشانها ,يعني أحيانا كنت بدفع في الميكروباص ,بس ده ماكانش كفاية ,ماكنتش عارف أرضيها ازاي ,عرضت عليها كتير أن اجيبلها كوكتيل ,بس كانت بترفض ,ولما كنت بلح عليها ,كانت بتصر علي التمسك برأيها ,فزاد اعجابي بشخصيتها القوية,كنت مؤمن أنها عندها رسالة بتحاول توصلها لأكبر قدر من المجتمع, فكانت بتستغل القطارات المزدحمة لهذا الهدف النبيل ,وعشان كدة كنت كل ما أشوفها بتنشر الرسالة كنت ببعد وأدعي ربنا أن تنشف بسرعة وتلم الرسالة ,ولما حاولت أعرف هي بتدعو لأيه,أتنرفز الأخ حديث العهد بالايمان,وكادت أن تتطور الأمور , فطلبت هي بكل الثقة أني أقوم ,وأروح أقعد في عربية تانية علشان تركز في الدعوة,وعمري مازعلت منها ,صحيح كانت بتراودني أفكار شريرة ,أني أبلغ عنها أمن الدولة,بس فضلت الأفكار في دماغي ,ولم أجرؤ على البوح بها لغيري

نفسي أبطل كسل حاسس ان لو لقيت حد يشجعني هأبقى حاجة تانية على أساس أني الوقتي حاجة أولانيةو المهم الحد ده يبقى واحدة,لأني زهقت بقى, يرضيكو أنى من سن 11 سنة لم أختلط كرهت الجامعة بسبب عدم الأختلاط, تصدقوا أن طلبة جامعة الأزهر بيركبوا القطر مخصوص علشان فيه أختلاط, انا أعرف طلبة كان بيركبوا القطر بس يعني رايح جاي في القطر ومبيروحوش الجامعة, وانا كمان كنت حابب الحكاية دى والله أنا مرة (مرة دى اللي بتتقال في النكت أنا راجل وسيد الرجالة)المهم مرة طقت في دماغي وسبت الامتحانات اللي كانت يوم ويوم وقلت أنا هاروح بقى كله يقولي يابني ماينفعش دي المادة صعبة ومش هتلحق تخلصها وأنا ولا هاممني يا جماعة دي آخر مادة ولازم أشوفها قبل ما الترم يخلص , أنا كنت متفائل قوي , مش عارف كدة ساعات بيجيلي شعور أو أحساس( أختارو أنتو الكلمة المناسبة ماهو لازم يبقى بوست تفعالي علشان محدش ينام) أن هاشوفها واليوم ده بيقبى ايزي وفعلا دورت عليها في القطر ولقيتها وتكلمنا وأنا كنت طاير , كانت الله يمسيها بالخير (مطرح ماهي قاعدة وزمانها كبرت وبقت أم ) طموحة أوي وكانت بتكلمني شفقة أصل أنا كنت طيب وبرضى بقليلي وهي كانت في المرحلة دي بتبحث عن الرجل المناسب اللي هايكمل معاها مشوار حياتها والقطر كان زحمة فقاعدة الاختيار كانت كبيرة قوي عندها , كنت كل ماشوفها ألاقيها بتختبر واحد شكل حتى لقيتها مرة قاعدة مع جوز كمسارية أتاريها كانت ضاربة أشتراك المكيف لأنها ملقتش حد مناسب في المميز ,مش قولتلكو طموحة