رحمتك يا رب
كنت ناوي أكتب بوست عن إزاي حبيت الكورة بمناسبة فوز مصر بس لما دخلت مدونة نوارةهنا اكتئاب على أصله أكتئبت وقلت مش وقته, نوارة دي المركز اللي بندور حواليه , ولما تزعل لازم كمدونين أوفياء نزعل احنا كمان
ياه يا نوارة هو انا ناقص اكتئاب, صحيح اللي يشوف بلاوي الناس , هو تقريبا يعني أنا متأكد والله أعلم أني بدور على الاكتئاب واللي يخليني أكتئب أحبه وشعاري آكئب الكآبة على كآبتها علشان متكئبنيش وكنت ببرر ده لأني مش تافه ودايما ببص للأمور بعمق بالرغم من القول المأثور (أديني في الهايف وأنا أحبك يا ننانس) ولما ننانس زعل بقت يا فننانس أصل خاف يرجع عليه بالتعويض
يارب ارحمنا واحنا راضيين بقضائك والله لا نريد لا منصب ولا جاه ولا مال ولا ننتظر شيئا من الحياة الدنيا فحسبنا جنتك
يارب انشر الخير والعدل والحق بين عبادك يا رب عليك بالظلمة القاتلين السارقين المعذبين عبادك المفسدين في الأرض يارب اغفر لي ذنوبي وقوي قلبي بالايمان وأدخلني جنتك
2 التعليقات:
انا ايضا دخلت قرأت كلامها فيه مرارة شديدة وكفر بالواقع وبالناس ولايمكن ان نلومها بالعكس نتعاطف معها ونقدر موقفها لكن في النهايه هدا المواطن البسيط من حقه ان يفرح من حقه ان يتمسك بأي شئ يشعره بالفرحة اي شئ ينسيه مرارة واقعه ولو للحظات لايمكن لنا ان نلومهم او نعتبر ان فرحتهم هي رضى بواقعهم الامر ليس كدلك بكل تأكيد
عموما أهنئك بالفوز وعقبال الاربعاء ان شاء الله
شكرا, والله أنا حاسس أنك مصرية أصيلة
أنا لو من حبيب العادلي كنت أديتك
الجنسية, وبالمرة كنت عذبت واعتقلت
الناس شوية, انشاء الله نكسب يوم
الأربعاء
إرسال تعليق