والله وعملتها بنت الكلب ونالت لقب ملكة جمال الكون, كايان الدورينو هو ده اسمها, بابا اللي سماها أصل أنا كنت صغير اياميها شوفوا حلوة ازاي, اهو كل النسوان عندنا من العينة دي, ودي واحدة من رعاياي بتيجي كل يوم الصبح تبوس ايدي, هي دي التقاليد عندنا في جبل طارق, بابا بقى ربنا يديله الصحة هو اللي أرسى التقاليد دي, أوعو تفتكروا أن جبل طارق ده صحراء ومعيز وكلام منده, لأ اطلاقا ده أنا منزهم ومعيشهم أحلى عيشة
والبتاعة اللي في ايدها دي جت استلفتها من أمي علشان تحضر بيها المسابقة وقالت هترجعها علطول, بس أمي كانت قلقانة انها تغيرها, بس أنا اقنعت أمي وقلتلها أن احنا كلنا عيلة واحدة واهو برده كله راجع لنا في الآخر يعني هنصادر التاج ده وهيبقى من ممتلكات أمي
والله وعملتيها يا بت يا كايان, لسه فاكر ايام زمان لما كان بابا بيسمحلي العب مع اطفال الشعب, كانت نونو كده ولما كبرنا شوية حاولت اقنعها نلعب عريس وعروسة بس ماكنتش بترضى, واعية من يوميها بنت الجزمة, ياااااه كانت ايام ماكنش الواحد شايل هم حاجة ولا كان فيه كلام اهبل من اللي بيسمعه صاحبي وحبيبي جيمي من شوية حقدة, مش عارف كل شوية واحد فسل يطلع يقوله مايحكمش وايش عرفك انت وكفاية وأخوان وحاجات عبيطة مش عارف بصراحة جيمي سايبهم ليه, صعبان علي والله, احنا بقى الوضع مختلف عندنا تماما, البلد بتاعتي اسمها كدة(جبل طارق) متسجلة بأسمي في شهر عقاري الجبل, عمو بقى سماها مصر مبارك, يعني بعد عمر طويل هتتنقل ملكيتها لابنه وشريكه جمال, ايه معترضين على ايه؟!! البلد بلده ولما يموت ابنه هياخدها, كفرة ولاد كلب, معترضين على حكم ربنا,استغفر الله العظيم والله معاك حق يا جيمي انت وعمه في كل اللي بتعملوه فيهم
نرفزتوني وطلعتوني عن شعوري مع انه أصلا كان بوست تهنئة خفيف للبت بتاعتي وبعدين اهتم بشعبي احسن ومصر دي بقى عمرها ماهتشوف خير طول ما شعبها مضقر نفسه كده في اللي مالوش فيه, يا عم انا مالي يولعوا بجاز كلهم , وبعدين لو ربنا راضي عنكو كان سيب عليكم جيمي واونكل, أصلا بابا لو عرف أني بكلم جيمي ولا أي حد من العالم التالت المتخلف هيزعل مني
ارجع بقى لبلدي واللي هي حتة مني وحبيبتي واللي ماليش هم في الدنيا الا هي وناسها اللي هما برده شعبي وحبيبي يا سلام جبل طارق شايفين الرومانسية شايفيين بحبها قد ايه, فعلا على رأي المثل أعز الجبل جبل طارق, بتاعتي حد عنده اعتراض
أصل لما بابا جابني سماني طارق وكنت بروح العب بعيد مع البت كايان هبل في الجبل وكان بابا كل ما يجي يسأل علي يقولولو طارق في الجبل, فيقوم بابا رانن علي وكنت كتير بكنسل لأن ببقى مشغول مع كايان, المهم من هنا طلع اسم جبل طارق , وبقت بتاعتي وإحيائا لزكراي مع كايان بقى الشعب ياخد بعضه اتنين اتنين ويمارس هبله في جبله اللي هو جبلي
13 التعليقات:
ههههههههههههههه كايان دى مين لالا مش لاعبة عاااااااااااااااا
نسيتنى يا طارق لالالالالا لاينكن ابدا وكمان بتخونى وتكنسل عليا
ده انا بولبيف بولبيف اخص طلفنى بالستاشرررررر يلا هلم بؤجتى والعيال توتو وسوسو ولولو وابعتلى مجلد ميكى وورقتى عند باباى عااااااا
هههههههههه بصراحة بوست جميل اوى ودمك خفيف ماشاء الله
اعذرنى والله اليومين اللى فاتوا مشغوله ولسة مش ضفت الجديد فى الريدر عندى ومتزعلش بقى ياطروق
ان شاء الله يدوم التواصلل بينا
مدونتك جميلة اوى تحياتى لابداعك
على فكرة البت دى وحشة انا احلى بس حظوظ
ال تاج ال دى عايزة سلطانية
يعني احنا جيران مادام جبل طارق جنب المغرب اقل من 14 كيلومتر
ياسيدي مبروك لبنت جيرانك وشفت الرعايا اللي يشرفه ويرفعوا راس صاحب البلد هنيالك ياعم
تحياتي
مي
أنتي عارفة أن كايان دي موضوع قديم وأنا حكيتلك على كل حاجة
مش عارف الستات دول مفيش على لسانهم إلا الطلاق, طب مش هأطلق وهأسيبك متعلقة كدة ذي البيت الوقف, والعيال مش عايزهم لأني مش فاضي أما مجلد ميكي فنجوم السما أقربلك واحب اقولك اني لميت كل كل مجلدات ميكي وسمير وتان تان واولع فيهم علشان الناس تعرف آخرة ادمان قصص الأطفال, ده بدل ما تاخدي بالك من العيال
شهادتك دي على راسي من فوج فوج فوج
خواطر شابة
تعرفي أني كنت فاكر أن اسمها the mountain of tarek, الله ده انتوا قريبين قوي, طب ماتاخدي ميكروباص الجبل وتيجي تزورينا,
بابا قاللي مرة من زمان, أني جدي الكبير مهاجر من المغرب, مش عارف كان جاي يعمل ايه, تقريبا كان بيتاجر في الحشيش المغربي, وبعدين الحشيش اتسرق منه فملقاش تمن تزكرة السفر وكانت غالية اياميها فاستقر هنا
تحياتي آخر حاجة
ايه الى انا شيفاه وايه الى بيحصل ياجمعة الخيران ابغض الحلال عند الله الطلاق وبعدين ايه زمب العيال انتوهتغلطو فى حق ميكى الى انتو بتعملو دا كتير اوى كتيرخالص انتو بتكلمو عن المغرب على فكرة حلوةتيجو ننظم رحلة للمغرب تكون قوريبه تكون فى العام 2080 نكون حوشنا تمن التذاكر ليه مكروباص فيه تكتوك انتو نسيتوه ولا ايه اروح اجهز للرحلة
noar
مقدر محاولتك الاصلاح, بس خلاص الموضوع انتهى
بخصوص موضوع الرحلة, 2080 ماقولتيش الساعة كام بالظبط علشان مواعيدي
هتكون فى مواعيد العادية زى مواعيد المدرسةابتاعت الابتدئيه ونجيب سندوتشات وحاجة سقغة وبقول يا مى متزعليش اارميله العيال وخدى ميكى عشان يعرف قمتك
انا جيت يانى ياغلبانة ياشقيانة والبيه طول النهار مع الست كايان دى اهىء اهىء
ابدا مش هتخلى عن ميكى وايه الموضوع انتهى ده لالالالالالا مش لاعبة بقى عاااااااااا لامش انا اللى اطلق انا هخلعك بكرامتى ومش هتقدر تطلبنى فى بيت ديزنى لاند
وش مطلع لسانة وبيجرررررررى
بص ياجميل بخصوص تعليقك انا تحت امرك ابعتلى الميل وانا وانت ورزقنا على الله
على فكرة عيالك كل شوية بيسالوا بابا فين
اه معلش يا noar
بخصوص الرحلة اه احنا نروح لوحدنا بس هو لالالالالالالالالالالا انا بفولك اهو من دلوقتى امال مين هيقعد بالعيال ؟
مبروك يا طارق
بس كايان دي ملكة على نفسها
انا نفسي اعرف فين جمال ده اللي هي ملكته يلا خير
بوست جميل بجد :)
Lady E
الله يبارك فيكي
ماشاء الله انتي بتلعبي بالألفاظ, البوست فيه 17 جمال و22 جيمي و3 اونكل
هو ده جمال اللي بتسألي عليه
والله مش عارف كلامك الحلو ده مجاملة ولا بجد, على العموم دي مسؤولية كبيرة لدرجة أني خايف أكتب أي كلام مايعجبكمش
شكرا
إرسال تعليق